A agrupación Cultura Francisco Lanza está preparando unha Viaxe a Santiago para ver na Catedral o Pórtico da Gloria restaurado, o Museo Catedralicio e os tellados

O outro grande motivo é aproveitar a posibilidade de ver o cadro de Castelao A derradeira lección do mestre, temporalmente exposto na Cidade da Cultura. A realización da viaxe está prevista para o 15 de decembro, sábado, e supeditada a que o número das persoas anotadas sexa, como mínimo, 25. En caso de non conseguir ese número, suspenderíase ou organizaríase outro tipo de transporte diferente do autobús.
As persoas interesadas poden anotarse dirixíndose a calquera persoa da directiva da asociación, chamando ao teléfono 649631903 ou enviando un correo a agrupacionfranciscolanza@gmail.com.