Burela, a 15 de outubro de 2018.- O Grupo Municipal Popular burelés fixo públicas hoxe as recadacións do Concello de Burela derivadas das sancións de tráfico nos anos 2016 e 2017 e no que vai do presente 2018 ata o 25 de setembro tras solicitar por escrito o pasado 24 de setembro os datos da recadación por multas neste período.
“Segundo os datos aportados ao día seguinte polo propio alcalde, en 2016 a recadación foi de 13.765’22 euros. En 2017 a recadación no total do ano por multas de tráfico foi de 18.862’31 euros. E para o presente ano, a recadación a 25 de setembro está xa en 64.530’03 euros. Iso quere dicir que en nove meses a recadación é xa do 342%, ou sexa, tres veces e media máis con respecto ao total recadado en 2017”, indican dende o PP local.
A xuízo dos populares, “Llano quere recadar a base de multas de tráfico. Todo apunta a que o alcalde parece ter necesidade de facer actuacións de cara ás eleccións de maio do ano vindeiro e que está arreando forte ás multas de tráfico para acadar cartos. Non se sabe se os gastará con finalidade electoral, pero deixa en evidencia, en calquera caso, a inconsistencia dun alcalde que é capaz de empregar calquera mecanismo ou manobra para pasar por encima dos veciños que ven como cos seus cartos e impostos pagan os antollos de Llano. Antollos que, por outra banda, probablemente non reporten ningún beneficio á cidadanía”.
Políticas de tráfico nada “equilibradas, sensatas nin pensadas”
Para o Grupo Municipal do PP de Burela, “os datos de recadación do que vai de ano demostran que as políticas de ordenación do tráfico dos socialistas pasan non so por desoír as demandas dos veciños, coma por exemplo a supresión de dous pasos de peóns en Arcadio Pardiñas onde se eliminaron tamén zonas de carga e descarga; senón tmaén pasan polas sancións. Ou sexa, as políticas de tráfico de Llano e dos socialistas pasan por calquera cousa menos polas actuacións equilibradas, sensatas e pensadas”.
Os populares bureleses aseguran que “a recadación por sancións de tráfico no que vai de 2018 é xa de 64.530’03 euros: tres veces e media máis que en 2017”
Relacionado
-
A alcaldesa de Vilalba, Marta Rouco, úrxelle á Xunta unha solución para a situación da estación de autobuses e do transporte escolar no municipio
-
O PP esixe a PSOE e BNG a adopción de medidas de seguridade viaria na LU-P-0701, que asume todo o tráfico procedente da costa coas obras da A6
-
A Deputación aproba acordos e contratacións para ofrecer máis e mellores servizos á veciñanza cun investimento de case 2M€
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
