Mondoñedo, 29 DE OUTUBRO DO 2018. O BNG de Mondoñedo no pleno celebrado o pasado venres votou en contra da proposta da alcaldía de bonificar e declarar a actividade de especial interese municipal aos proxectos do “Parque eólico de Sasdónigas”, fase I e II, por concurrir circunstancias sociais e de creación de emprego tal e como a sociedade NORVENTO SASDÓNIGAS S.L. solicitou no concello por terse acollido este ao programa Doing Business promovido pola FEGAMP e máis a Xunta de Galicia.
-NON SE CUMPREN OS OBXECTIVOS DO PROTOCOLO DOING BUSINESS-
Segundo o BNG mindoniense, a iniciativa Doing Business Galicia que ten por obxectivo a atracción, implantación e fixación de empresas no territorio galego non se cumpre tendo en conta que a empresa promotora leva catorce anos de trámites para a instalación do parque e que xa empezaron as obras esta semana logo de que o goberno municipal en Xunta de Goberno lle concedera licenza urbanística.
O voceiro nacionalista no concello de Mondoñedo, Eloi Cabanas, entende que, “a decisión de bonificarlle a Norvento un 50% da cota que ten que pagar correspondente ao ICIO non vai facer perigar a decisión da empresa promotora de executar ou non o proxecto do parque no noso concello”.
-CREACIÓN DE 5 POSTOS DE TRABALLO-
O grupo municipal do BNG discrepa da proposta levada a pleno polo goberno municipal de Elena Candia na que di que NORVENTO vai comprometerse á “creación de cinco postos de traballo de carácter permanente” no parque, e que este compromiso “significará que cinco familias novas, en idade de traballar, poderán asentarse (ou permanecer) no termo municipal”.
Para o edil nacionalista as previsións do concello son demasiado optimistas, “a empresa na solicitude que presenta no concello en realidade só se compromete a asignar un total de cinco traballadores pertencentes ás empresas do Grupo Norvento para traballar no parque, e non crear cinco postos de traballo como afirma a alcaldesa e aínda por riba que isto signifique que cinco familias veñan vivir a Mondoñedo”.
-MÁIS DE 100.000€ QUE DEIXA DE INGRESAR O CONCELLO-
Para o BNG renunciar á metade dos ingresos procedentes do ICIO por bonificarlle á empresa un 50% do imposto, é un luxo que o concello non se debe permitir.
Eloi Cabanas pídelle ao goberno de Elena Candia que se preocupe polos veciños aos que a empresa lles está entrando nas fincas cando aínda están sen resolver as alegacións que presentaron e que “non actúe como se estivera defendendo os intereses particulares dunha empresa privada”.
-ROGOS E PREGUNTAS-
No pleno celebrado o pasado venres o BNG formulou un rogo, que a alcaldesa manifestou que se ía ter en conta, para que o concello manteña en bo estado de conservación o panteón onde repousan os restos de Pascual Veiga no cemiterio vello.
Segundo Eloi Cabanas o monumento está moi deteriorado e incluso ten partes rotas.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
