Viveiro 3-7-18. A cadea hostaleira Galipizza decidiu a comezos de ano celebrar o seu 25 aniversario cun súper premio para toda a vida: entrada gratis de por vida para o Resurrection Fest e comida gratis en Galipizza durante os días que se celebre o festival, un dos eventos máis importantes e multitudinarios do panorama internacional e que ten de cabezas de cartel na edición deste ano aos míticos Kiss e Scorpions.
A promoción, que consitía en crear unha peza audiovisual (foto ou vídeo) que combinara tres ingredientes (Galipizza, Resurrection Fest e Kiss) tivo unha grande repercusión nas redes sociais, anque finalmente presentáronse 12 pezas ao concurso, unha cifra inferior ás expectativas iniciais que se marcara a empresa: “A verdade é que esperábamos moitos máis concursantes, pero ao final casi nos alegramos, xa que nos resultou moi difícil tomar a decisión final”, asegura Xosé Manuel Vázquez Leman, xerente de Galipizza.
De feito, ademáis do primeiro premio anunciado, decidiuse otorgar un premio especial cos mesmos beneficios, pero non para toda a vida, senón só para esta edición de 2018, que se celebra a vindeira semana en Viveiro.
O primeiro premio do concurso foi para Adrián Quintana, un neno de 8 anos de Mera (Ortigueira) que leva o rock no sangue, xa é habitual do Resurrection Fest e que está aprendendo a toca-la guitarra eléctrica. “Eu quero ir ao Resurrection” é a súa peculiar versión de “I Wanna Rock N Roll All Night” de Kiss, que cautivou desde o primeiro momento á dirección de Galipizza pola súa mistura perfecta dos ingredientes solicitados, incluíndo, sobre o tema de Kiss cantado polo propio Adrián, a Galipizza e ao Resurrection Fest tanto no texto como na imaxe do seu videoclip.
O segundo premio do concurso viaxou ata Sevilla, desde onde Jacobo Ríos e os irmáns Latorre recrearon a súa propia versión da película “Detroit Rock City” (Cero en Conducta) convertida en “Viveiro Rock City”. Na súa curtametraxe, que enfrenta aos seguidores da bachata e do metal, narran as súas aventuras e desventuras para cruzar a península e chegar sen entradas ata o Resurrection Fest. Cando agora faigan a viaxe de verdade as 4 entradas estaranos agardando xunto coas pizzas de Galipizza.
Un neno de 8 anos gaña o concurso de Galipizza con entrada e comida gratis de por vida no Resurrection Fest
Relacionado
-
Unha persoa sufriu diversas queimaduras ao tratar de prender a cheminea con alcohol en Barreiros
-
‘Unha Vela por ti’, con motivo do 25N, en colaboración con Mujeres en Igualdad de Cervo
-
Castiñeira ve “sospeitoso que outro erro do alcalde lle permitira á empresa licitadora alegar por segunda vez a decisión da Corporación Municipal de non seguir co contrato da residencia mentres non estean claras as axudas aos usuarios”
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
