A Frouxeira, 14 de xuño de 2018. Uns 150 alumnos e alumnas dos colexios focenses O Pilar, Martínez Otero e CEIP de Nois e do Castro de Ouro, de Alfoz, gozaron esta mañá da segunda edición da recreación histórica no Pico da Frouxeira, que este ano incluíu xogos medievais nos que os rapaces interactuaron cos propios protagonistas. E hoxe a partir das 21 horas terá lugar a segunda parte desta actividade, denominada A historia cobra vida na Frouxeira, cun espectáculo nocturno para todos os públicos con entrada gratuíta.
Esta iniciativa para a promoción da Frouxeira está organizada polos concellos de Alfoz e Foz e das recreacións encárgase a compañía Queiman e Pousa. Á desta mañá asistiron o alcalde de Foz, Javier Jorge Castiñeira; e o primeiro tenente de alcalde e concelleiro de Desenvolvemento Local en Alfoz, Xabier Pardiñas Suárez.
