Viveiro 14-6-18. O Concello de Viveiro ten asinado un convenio de colaboración coa Xefatura Provincial de Tráfico no que se establecen unha serie de compromisos e campañas que esta administración debe levar a cabo ao longo do ano. Entre estas medidas, figura a esixencia de realizar unha campaña de control de velocidade, que este concello vai levar a cabo durante os meses de xuño, xullo e agosto, instalando un radar naqueles puntos do termo municipal nos que se ten constancia de excesos de velocidade ou naqueles nos que se teñen producido accidentes por esta causa. Atendendo a estes criterios e dando cumprimento as demandas veciñais, que viñan reclamando a adopción de medidas co fin de evitar estas situacións, o radar colocarase principalmente nas tres entradas ao núcleo, en Celeiro, Covas e Magazos, e tamén na zona dos colexios.
Esta campaña ten como único obxectivo a prevención de accidentes por exceso de velocidade, co fin de garantir a seguridade tanto da veciñanza como de todas aquelas persoas que nos visitan. A campaña lévase a cabo, precisamente, nesta época entendendo que se trata do periodo máis adecuado tendo en conta o incremento de poboación e a notable intensificación do tráfico rodado.
Cómpre sinalar, finalmente, que esta ten como finalidade a seguridade, a prevención e a concienciación da cidadanía con respecto á necesidade de dar cumprimento, por seguridade, aos sinais e límites de velocidade establecidos; dende o concello, quérese aproveitar a ocasión para lembrar que o límite de velocidade dentro do casco é de 50 km/h, agardando que a campaña sirva para lograr os obxectivos referidos.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
