Ribadeo, 27 de xuño de 2018. Nas últimas horas deuse a coñecer o programa completo do V Ribadeo Indiano, que organizan o Concello e Acisa. Hoxe dan comezo as actividades das antevésperas, ás que seguirán as das vésperas os días 4 e 5 de xullo.
Dito programa é aínda máis amplo e variado que nas edicións anteriores, xa que por primeira vez conta con actos os días previos á celebración da festa indiana. Este mércores, 27 de xuño, inaugúrase unha exposición fotográfica na Oficina de Turismo e o sábado, día 29, no Cantón dos Moreno soará o “Son Galego, Son Cubano” de Roi Casal. Estas son as actividades das antevésperas.
Xa os días 4 e 5 de xullo están programadas unha conferencia e a proxección dun documental. O 4 ás 20:30 horas na Casa das Letras o investigador Martín Fernández Vizoso pronunciará unha charla sobre “Ribadeo Indiano, os nomes da memoria e dun territorio de futuro” e o 5 no auditorio Hernán Naval ás 20:30 horas proxectarase o documental “Pedro Murias, un desván que fixo as Américas”.
A intensa axenda do V Ribadeo Indiano, no que se renderá homenaxe a Uruguai, arrincará o 6 de xullo ás 18:00 horas no Teatro cun acto no que intervirán María del Huerto Arcaus Sánchez, cónsul xeral de Uruguai, Fernando Suárez, alcalde de Ribadeo, Eduardo Gutiérrez, cronista oficial de Ribadeo, e Francisco Iriarte, presidente de Acisa. Logo haberá outras actividades e a tradicional baixada ao porto de Porcillán, onde asistiremos á representación de “Cadros da emigración”. Será ás 22:30 horas cando Diego Rodríguez Paz pronuncie o pregón da quinta edición do Ribadeo Indiano.
Verbenas, teatro, xincanas, paseos culturais, visitas a casas indianas, talleres de animación musical e de baile, exposicións, pasarrúas… serán os protagonistas do 6 ao 8 de xullo en Ribadeo. O 7 de xullo no barrio de San Roque terá lugar o Mercado de Produtos de Ultramar e na praza de abastos haberá unha exhibición de luxosos coches clásicos. E xa á tardiña celebrarase o XXIV Festival de Habaneras e Música Hispanoamericana Ría de Ribadeo no que intervirán o Coro Ángel Embil , de Pola de Siero, a Coral Ozenki, de Hernani, e a Coral Polifónica de Ribadeo.
E o domingo, 8 de xullo, as actividades a partires das dúas da tarde trasladaranse ao Círculo Habanero da Devesa, onde pola noite rematará o V Ribadeo Indiano.
Durante a fin de semana de celebración deste evento nas casas de comidas e de bebidas poderase degustar a gastronomía indiana.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
