A Mariña, 13 xuño 2018.- A Xunta de Persoal considera “unha irresponsabilidade” o peche de camas no Hospital da Costa durante os meses de verán, por ser precisamente esta “a época na que máis poboación hai na comarca da Mariña” e esixe á Xunta “que adopte as medidas necesarias para garantir que o Hospital da Mariña funcione a pleno rendemento durante o período estival.
A Xunta de Persoal, denuncia que o Hospital de Burela funcionará “a medio gas” nos vindeiros meses e alerta de que isto vai repercutir “no empeoramento da atención sanitaria á cidadanía e no aumento das listas de espera”.
A Xunta de Persoal argumenta que “a xente non escolle o mes para enfermar” e di que “o Hospital da Mariña ten que estar preparado e plenamente operativo para atender a toda a poboación, tanto aos habitantes da comarca da Mariña como a toda a xente que ven pasar as súas vacacións á comarca nestes meses”.
“Coa saúde da xente non se xoga”
A Xunta de Persoal insiste en que “a sanidade é o primeiro” porque “coa saúde da xente non se xoga” e reitera “que a defensa da sanidade pública, do Hospital da Mariña e do dereito dos veciños e veciñas da Comarca a contar con un Hospital a pleno rendemento os 365 días do ano e uns servizos sanitarios de calidade tanto no hospital como nos centros de saúde da comarca, é unha prioridade”.
Concentración contra o peche de camas.
A Xunta de Persoal convocou unha concentración este mércores 13 de xuño ás 12 da mañá diante do Hospital mariñao na que participaron usuarios e profesionais da saúde.
A Xunta de Persoal alerta do peche dunhas 30 camas no Hospital de Burela durante o verán, “precisamente cando máis poboación hai na comarca da Mariña”
Relacionado
-
A Confederación Hidrográfica do Cantábrico executa labores de conservación no río dá Orrea en Riotorto
-
Arias felicita ao viveirense Óscar Rodríguez polos seus éxitos nos Campionatos Nacional e Mundial de oratoria
-
20.000 premios directos no Rasca e Gaña da Asociación de comerciantes do Centro Histórico de Viveiro
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
