Ribadeo, 23 de maio de 2018. O son e o colorido do Entroido inundarán as rúas de Ribadeo o 14 de xullo. Acisa organiza o I Desfile de Charangas que se celebrará ese día a partires das 20:30 horas. Todas aquelas charangas da Mariña e do Occidente de Asturias que desexen participar nesta cita poden inscribirse ata o 30 de xuño ás doce da noite no correo info@acisaribadeo.es, vía whatsapp no 663 39 62 26 ou por teléfono chamando ao 982 120 565. As bases estarán colgadas redes sociais de Acisa e tamén na súa web.
Todas as charangas participantes recibirán 200 euros en vales de compra (cada unha) para consumir nos locais asociados a Acisa Ribadeo e tamén un trofeo como recordo de ter participado nesta novidosa iniciativa.
O presidente de Acisa, Francisco Iriarte, dixo que “é unha novidade para a asociación e para Ribadeo. Agardamos que sexa un atractivo visual e económico para a vila, para o seu comercio e para a súa hostalería”.
Iriarte fai unha chamada “á participación das charangas da Mariña e do Occidente de Asturias para gozar dun desfile espectacular en pleno verán. Agardamos que teña éxito, que lles guste aos veciños e veciñas de Ribadeo e de toda a contorna e tamén a todas esas persoas que pasan as vacacións na vila e en toda esta zona”.
Desde a Asociación de Comerciantes, Industriais, Servizos e Autónomos subliñan que “non estamos diante dun concurso. Isto é un desfile solo para charangas, co que pretendemos encher de colorido as rúas de Ribadeo na tarde noite do 14 de xullo. Queremos animar tamén á xente á que lle apeteza a que aproveite para disfrazarse e vivir un auténtico carnaval de verán nos locais hostaleiros, nas prazas, nas rúas de Ribadeo. Pero insistimos en que o desfile solo é para charangas. Todas as participantes recibirán o mesmo premio, 200 euros en vales de compra para gastar nos locais asociados a Acisa e unha figura como recordo de ter participado neste día. Estaremos no verán, agardamos que faga moi bo tempo e que as charangas poidan lucir en condicións os seus traxes”.
A presentación do I Desfile de Charangas tivo lugar na praciña de San Roque, a carón dos Cocos. No acto participaron o presidente de Acisa Ribadeo, Francisco Iriarte, o xerente, Jesús Pérez, e Carmen Cruzado, vogal da directiva.
ACISA organiza o I Desfile de Charangas o 14 de xullo. Trátase dunha iniciativa novidosa na comarca que pretende encher de color e son as rúas de Ribadeo na tarde-noite desa xornada
Relacionado
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O alcalde de Foz e a concelleira de Asuntos Sociais falaron da residencia de maiores co xerente do Consorcio Galego de Igualdade e Benestar
-
A Valedora do Pobo dá a razón ás demandas da ANPA do CEIP Castro de Ouro de Alfoz
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
