Burela, 4 de maio de 2018.- A residencia de Burela, centro de titularidade autonómica que depende da Consellería de Política Social, cumpre 25 anos ao servizo das persoas maiores e para celebralo vén de organizar unha xornada con diversas actividades para os seus usuarios, familiares e persoal.
O delegado territorial da Xunta en Lugo, José Manuel Balseiro, sumouse aos actos de aniversario e salientou que a residencia presta un servizo de máxima calidade para as persoas maiores e dependentes da zona, achegando os coidados oportunos e fomentando o seu benestar físico, psicolóxico e social.
As actividades comezaron a primeira hora da mañá cun almorzo especial seguido dunha celebración relixiosa e dunha petiscada, que serviu á súa vez como espazo de confraternidade, e que estivo amenizada polo dúo musical Aromas. Xa pola tarde, tivo lugar a representación da obra “Os amores do Mariñán” a cargo grupo de teatro O Bordelo.
Na actualidade as instalacións contan con 88 prazas dispoñibles en réxime residencial, 30 delas para usuarios con dependencia e o resto para autónomos, ademais, hai 40 prazas adicionais no centro de día. O cadro de persoal esta composto por 47 profesionais, entre persoal de atención directa (limpeza, xericultura, ATS, lavandaría, cociña) e os empregados de administración e dirección.
A Consellería de Política Social asume a xestión directa da residencia, e os gastos de persoal e mantemento. Ademais nos últimos dous anos, vén de investir preto de 85.000 euros en distintas obras e equipamentos, incluído a recente mellora das habitacións con novo mobiliario e traballos de pintura e renovación de pavimentos.
“Coa celebración destas vodas de prata, a residencia de persoas maiores de Burela busca encher de ledicia e dinamismo un centro aberto e en constante contacto co entorno e que aspira a converterse nun espazo no que os residentes estean satisfeitos e sintan case como o seu fogar”- concluí Balseiro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
