O número de prazas é limitado a 20 alumn@s, e as persoas interesadas poden inscribirse na oficina de Medio Ambiente ou no teléfono 982 580 867.
A concelleira de Medio Ambiente, Noelia María Ben, anima a participar neste taller no que “terán prioridade os veciños e veciñas de Burela”.
A edil burelesa salienta que “o obxectivo é presentar os primeiros pasos para crear ou transformar unha pequena horta ecolóxica destinada ao autoconsumo así como a resolver as inquedanzas máis habituais”.
Este taller será coordinado polo espazo agroecolóxico A Estruga e impartido polo enxeñeiro técnico agrícola e agroecólogo Marcos Besada. Na cita abordaranse cuestións como a preparación do terreo, a fertilización e compostaxe, o deseño e planificación, o control de inimigos e os extractos vexetais e minerais, entre outros.
