Hai uns días a ¿periodista? Juana Carrera, da COPE de Ribadeo, dedicáballe unha canción á alcaldesa de Lourenzá cuns comentarios previos nos que faltaba á verdade e profería insultos e descualificacións cara á persoa de Rocío López, os seus compañeiros e a institución que representa, o Concello de Lourenzá.
Sra. Carrera, Rocío López non é a alcaldesa de Vilanova de Lourenzá, como vostede di, que tamén, senón que é a alcaldesa de Lourenzá, de todo o concello. Infórmese, Vilanova é a capitalidade do concello.
Estiven informándome de cales eran os principios básicos do periodismo e resulta que son, entre outros, a verdade e a precisión, a independencia, a equidade e a imparcialidade, a humanidade e a responsabilidade. Analice vostede, Sra. Carrera, cantos cumpre.
Fala vostede da alcaldesa de Lourenzá coas mesmas palabras que emprega sempre a voceira popular, a Sra. Álvarez Chao. Fai o mesmo cando se refire a min. Quedo cunha dúbida, deulle ela o texto xa escrito ou foi froito da súa pericia investigadora? Chamou vostede ao Concello para contrastar a información? Que eu saiba, en case tres anos que levamos gobernando en Lourenzá, veu só unha vez polo noso concello para entrevistarnos co gallo da última edición da Festa da Faba.
Tamén ten vostede un gran descoñecemento do funcionamento dun concello. As decisións sobre obras, licencias, etc., tómanse na Xunta de Goberno e non no Pleno como vostede da a entender. Pase vostede cando queira polo Concello e poderá enterarse de todo o traballo que levamos feito nestes dous anos e medio, a pesar da herdanza recibida, e dos proxectos que temos para o futuro. Infórmese e non fale polo que lle contan desde o Partido Popular.
Non sei a capacidade que ten vostede como futuróloga, cando asegura que Rocío López non volverá a ser alcaldesa. En Lourenzá, Sra. Carrera, por sorte votan os veciños e as veciñas, non o fai nin a Conferencia Episcopal nin os ¿periodistas? da dereita rancia que vostede representa. Deséxolle o mesmo éxito nos vaticinios como na súa talentosa carreira periodística.
Para rematar permítame vostede un consello, empregue o galego máis a miúdo e colabore un pouco na normalización lingüística, fágalle un favor ao país.
Por certo, Sra. Carrera, tome estes comentarios tamén sen acritude …
Manuel Arango Ron, tenente alcalde e voceiro do equipo de goberno do Concello de Lourenzá
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
