Lugo, 11 de decembro de 2017. O Goberno da Deputación resolveu durante a xornada deste luns máis de 44 incidencias rexistradas en varios municipios lucenses, por mor do temporal que arestora está a atravesar a provincia de Lugo. Foron incidencias relacionadas con caídas de árbores, inundacións en vías e pequenas acumulacións de neve en varios Concellos da Montaña.
Nestes intres, pódese circular con normalidade pola rede viaria, aínda que se recomenda facelo con precaución. Durante toda a xornada de hoxe, os técnicos do parque móbil continuarán a resolver calquera incidencia que se produza, co fin de garantir a seguridade da rede provincial. a máis extensa do estado.
Destacan, por exemplo, actuacións na LU-P-6608, que é a estrada que vai a Landrove, no Concello de Viveiro. Durante unhas horas da madrugada, e por mor das intensas mareas, tivo que cortarse ao tráfico. Nestes intres, a estrada xa está aberta.
No que a acumulacións de neve e xeo se refire, os técnicos provinciais están a traballar para acondicionar todas as vías de Concellos da Montaña lucenses, como son Cervantes, Pedrafita do Cebreiro, Negueira de Muñiz e a Fonsagrada, polas que se pode circular tamén con normalidade.
Arrastre de terras e cinzas
O Goberno da Deputación reforzou ademais os traballos en estradas do Concello de Cervantes, no que houbo arrastre de terras e cinzas debido aos lumes que arrasaron centos de hectáreas deste municipio. Para elo, o Executivo Provincial destinou unha máquina de cadeas, unha pala mixta e un equipo de 8 técnicos que están a estas horas a acondicionar os terreos afectados.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
