Lugo, 22 de decembro de 2017O Presidente da Deputación, Darío Campos Conde, informou sobre a aprobación na Xunta de Goberno este venres de investimentos de 5,2 millóns para a dotación ou mellora de servizos públicos en 31 Concellos. Trátanse da construción da residencia pública de Becerreá e do arranxo de 8 estradas provinciais, 28 accesos viarios, do campo de fútbol A Medela de Taboada, 9 traídas de auga, 5 locais sociais, así como da compra de maquinaria para o parque móbil de Negueira de Muñiz. A maiores, resolvéronse axudas de 288.000 euros a colectivos culturais de toda a provincia, que permitirán o desenvolvemento dun total de 278 actividades neste eido no rural lugués.
Acordouse a contratación con 3,4 millóns de euros das obras de construción da residencia pública de Becerreá. Acadouse un aforro de 1,4 millóns na adxudicación destes traballos, que poderán iniciarse nas vindeiras semanas.
Destínase 1 millón ao arranxo de 16 quilómetros das seguintes 8 estradas provinciais: LU-P-2801 de Santo Tomé por San Adriano e Augaxosa a Arroxo, LU-P-2803 de Santo Tomé a Lindín e LU-P-2805 de Santo Tomé a Santa María Maior, en Lourenzá; LU-P-0705 dende a LU-722 por Vilamane e Seivane a Tucende, en Becerreá; LU-P-3003 de Meira por Leiras á N-640 e LU-P-3005 de Couso a Vilar de Carota, en Meira; LU-P-4806 da N-640 en Vilaxe por Galegos e Vilar de Corota a Ribeira de Piquín, en Ribeira de Piquín; e LU-P-1611 (cinturón comarcal) ao por Castroverde. Son actuacións enmarcadas no Plan de Mellora de Estradas Provinciais nos 67 Concellos da provincia a través do crédito de 15 millóns de euros.
A Xunta de Goberno acordou achegar case 500.000 euros á mellora de accesos viarios a 28 núcleos rurais de Friol, Cervantes, Navia de Suarna, Pedrafita do Cebreiro, Trabada, As Nogais, O Incio, Chantada, Foz, Guntín, Bóveda, Triacastela, Pol, A Fonsagrada, Láncara, O Corgo, Castroverde, Lugo, A Pastoriza, O Vicedo, Riotorto, Portomarín, Negueira de Muñiz, A Pontenova e Ribas de Sil.
Achéganse 170.000 euros á mellora do campo de fútbol A Medela de Taboada.
Destínanse 125.000 euros á mellora de 9 traídas de auga doutros tantos núcleos rurais de Baleira, Riotorto, Friol, Portomarín, Negueira de Muñiz, Cervantes, A Pontenova, Ribas do Sil e Pol.
Outros 30.000 euros son para compra de maquinaria dirixida ao reforzo do parque móbil do Concello de Negueira de Muñiz.
Invístense 27.000 euros no arranxo de 5 locais sociais de núcleos rurais de Cervantes, Lugo, A Pastoriza, Pantón e O Vicedo.
Campos Conde explicou que a maiores destas actuación de 5,1 millóns para a dotación e mellora de servizos públicos en 31 Concellos; o Executivo da Deputación aprobou na Xunta de Goberno a resolución de axudas culturais de concorrencia competitiva por valor de 288.000 euros para o desenvolvemento dun total de 278 actividades no rural lugués a través do tecido asociativa da provincia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
