Este luns 27 de de novembro, o colexio Martínez Otero de Foz recibiu a visita do reputado autor catalán Joan Manuel Gisbert. O escritor (Barcelona, 1949), especialista en literatura infantil e xuvenil, acudiu ao noso centro para compartir sensacións e aprendizaxes co alumnado de 3º, 4º, 5º e 6º de Primaria. O encontro co escritor barcelonés, galardoado co prestixioso premio Nacional de Literatura Infantil e Xuvenil, xirou arredor de dúas das súas obras literarias: “Fabulosa noche de San Juan” (lida por 3º e 4º de Primaria) e “ “Magos del atardecer” (lida polo alumnado de 5º e 6º de Primaria). A conversa literaria mantida co autor foi moi amena, dinámica e entretida. Ademais, e case ao final do acto, o escritor prestouse para asinar varios exemplares das súas obras.