Dentro do programa de obradoiros e actividades de outono que ofertamos no Museo Provincial do Mar de San Cibrao hoxe, sábado 11 de novembro, levamos a cabo a actividade Non ao lume que fire. En Galicia vimos de sufrir unha praga de lume que danou sensiblemente o noso patrimonio e que supuxo perdas ambientais, sociais e económicas. Con este obradoiro pretendemos concienciar axs máis cativxs da importancia que ten conservar a natureza e todos os recursos que esta nos proporciona. Para participar nestes obradoiros, como sempre totalmente gratuítos, só é necesario inscribirse no propio museo, chamar por teléfono ou a través do correo electrónico museodomar@museolugo.org.
