Este pasado fin de semana os sendeiristas de Burela desprazámonos ata o parque natural de Peneda-Gerês en Portugal, para realizar a ruta de sendeirismo “Vía Nova”. Dentro deste parque natural que é o único do país veciño, atópase esta ruta que transcorre por varios tramos da calzada romana que unía as cidades de Braga en Portugal e Astorga en España, na que se atopan mais de 270 milarios romanos que servían para sinalizar as distancias en millas, sendo a maior concentración de milarios de toda Europa.
De camiño ao Gerês aproveitamos para visitar o Santuario do Bom Jesús en Braga e Guimarães, lugar onde naceu Portugal e recoñecido como Patrimonio da Humanidade. Participamos 55 sendeiristas e estivemos acompañados polo presidente honorífico da Asociación e Alcalde de Burela, Alfredo Llano.
