Santiago, 16 de outubro de 2017. A eurodeputada galega Lídia Senra remitiu este luns pola mañá unha carta de urxencia dirixida ao presidente da Comisión Europea (CE), Jean –Claude Juncker, amosando a súa preocupación ante a “total incompetencia” que están a demostrar as autoridades galegas e estatais para solventar a situación de “caos e alarma” que se está a vivir na Galiza por mor dos incendios forestais. Na misiva, Senra pídelle ao ente comunitario que tome inmediatamente cartas no asunto e se poña en contacto tanto co presidente da Xunta, Alberto Núñez Feijóo, como co presidente do Goberno estatal, Mariano Rajoy, para coordinar un servizo efectivo de prevención e extinción que permita facerlle fronte ao que agora é prioritario: apagar canto antes os lumes que aínda continúan a prender o pánico e a poñer en risco vidas e inmobles despois desta fin de semana fatídica.
A europarlamentaria galega, que é membro do Grupo da Esquerda Unitaria Europea/Esquerda Verde Nórdica, tacha de “intolerable” a “descoordinación e falta de medios” que se está a ver para facerlle fronte a unha situación que provocou xa centenares de desaloxos de vivendas, inmobles ardidos, a morte de polo menos 4 persoas presas das lapas e estradas cortadas. “Unha vez máis, está a ser a poboación, ante a falta de resolución e incompetencia total por parte das autoridades galegas e estatais, a que está a intentar salvar coas súas propias mans as súas fincas, casas, bens materiais e animais”, informa Lídia Senra a Juncker.
A eurodeputada asegura non ter dúbida algunha de que esta situación de proliferación de lumes, que está a padecer tamén Portugal e Asturias, ten responsables políticos. E centrada na Galiza concretamente, lémbralle ao presidente da CE como leva tempo advertindo de que algo así podía acontecer, máxime cando por parte dos gobernos galego e estatal se siguen a fomentar políticas de abandono do medio rural, siguen a apostar por pechar as pequenas e medianas explotacións agrarias, e alimentan a nefasta política forestal que dá prioridade ao monocultivo do eucalipto e piñeiro e a forestar terras agrarias até as portas das casas.
“Nos últimos tempos temos presentado na CE e no Parlamento Europeo diferentes iniciativas incidindo na necesidade de investir máis en políticas de prevención dos lumes. O cambio climático fai que todo o ano sexa época de risco de incendios e as autoridades lonxe de atender estas análises, siguen empeñadas en non querer ter un servizo público de extinción e prevención de incendios en condicións durante todo o ano, que faga labores de limpeza dos montes e estea alerta todos os meses. Rexeitamos a concepción do lume forestal como un negocio e reclamamos medidas inmediatas que cambien esta situación”, pide Senra na carta.
Así, Senra insta a Juncker a que unha vez que estea concluido o traballo de apagar as lapas que asolan o noso país e que hoxe é o prioritario, recapacite en firme e faga o posible para que desde a Comisión Europea se poñan en marcha medidas efectivas e preventivas dos lumes, que fagan que nunca máis volva a acontecer algo semellante e que pasan necesariamente por adoptar políticas de recuperación da actividade agraria no medio rural; políticas coherentes que lle fagan fronte ao cambio climático; políticas que poñan fin ao monocultivo de eucalipto e piñeiro e á forestación das terras agrarias; e políticas que poñan fin ás medidas de austeridade e recortes nos servizos públicos.
“Exprésolle tamén a miña convicción de que considero necesario que a Comisión Europea abra unha investigación independente sobre as verdadeiras causas que hai detrás dos incendios e sobre a absoluta deixadez e as posibles neglixencias no operativo que se está a levar a cabo por parte das autoridades. Pídolle igualmente que desde a Comisión Europea se estuden posibles vías de axudas para as persoas que se están a a ver afectadas directamente polas lapas”, conclúe a carta de Senra dirixida a Juncker.
Rexistro de pregunta parlamentaria escrita
A eurodeputada galega está a traballar ademais a traballar na posible promoción dunha carta dirixida a Mariano Rajoy e Alberto Núñez Feijóo, asinada por eurodeputados e eurodeputadas de toda a Unión Europea, e tamén rexistrou xa hoxe pola tarde mesmo unha pregunta parlamentaria por escrito dirixida á CE na que a insta á institución comunitaria a facer uso das súas competencias a través da Política Agraria Común (PAC) para revitalizar o medio rural e poñer fin á forestación descontrolada e ao monocultivo do eucalipto e recuperar a actividade gandeira e as pequenas e medianas explotacións na Galiza. Tamén insta á CE a, en base ao Regulamento (UE) n.° 1305/2013 do Parlamento Europeo e do Consello, a activar o procedemento de liquidación de conformidade no tocante aos 900 millóns de euros previstos polo Estado español no programa de desenvolvemento rural 2014-2020 e os 20 millóns do Goberno da Xunta de Galicia (FEADER e FEDER).
A CE deberá agora contestarlle a Lídia Senra por escrito nun prazo de entre 4 e 6 semanas.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
