O Vicedo 7-8-17. Ainda que faltan máis de 15 días para que empecen as VII Xornadas “Memoria dun tempo”, organizadas pola asociación Nordés, e que terán lugar na casa do Concello de Mañón, en O Barqueiro.
Para este ano temos preparado un monográfico adicado á memoria das mulleres, tanto durante o franquismo, como na emigración nun tempo máis longo.
Contaremos coa presencia de figuras señeiras na investigación histórica e social desde unha perspectiva de xénero. Así, o xoves 24 intervendrán Victoria Martíns Rodríguez e Ángel Rodríguez, coa ponencia “O compromiso coa igualdade: unha visión de futuro desde a análise do pasado, e a proxección previa do seu documental “Digna Rabia”
O venres 25 tocaralle o turno a Montse Fajardo Pérez, quen forma parte do equipo redactor do programa A memoria das mulleres, promovido pola Concellería de Patrimonio Histórico do Concello de Pontevedra. No seu marco participou no libro Do gris ao violeta. Achega á historia das mulleres pontevedresas, e é tamén autora de “Matriarcas, mulleres en pé de vida” e Un cesto de mazás. A súa charla leva o título de “A memoria das mulleres no relato da represión franquista”
O sábado 26 terá lugar a V Homenaxe a republicanos/as e libertarias/os na Ponte Vella de O Barqueiro ás 13 horas, namentras que a xornada de tarde consistirá no pase do documental de Margarida Ledo Andión “Apuntamentos para un filme”, que está composto por testemuñas de mulleres galegas emigradas a Arxentina no primeiro terzo do século XX para, a continuación, darlle a palabra a Pilar Cagiao nunha xornada que quere ser unha chamada á participación de todas aquelas mulleres da comarca que se queran achegar para falar da súa experiencia na emigración. A conferencia de Pilar Cagiao leva por título “Ser muller e ser emigrante: a experiencia das galegas en América Latina”
Para pechar as xornadas contaremos coa actuación de María Manuela e Xurxo Varela, nun recital co que Nordés quere homenaxear a tódalas artistas da canción en galego, personificadas neste caso por María Manuela, cantante cunha longa traxectoria.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
