Mondoñedo, 21 de xuño de 2017.- O Concello de Mondoñedo dispón dende hoxe dunha aplicación pioneira para teléfonos móbiles que permite unha rápida localización por parte dos servizos de emerxencia das vivendas ou lugares nos que se está a dar unha urxencia. É dicir, esta APP, que se desenvolve baixo o nome de Isocrona, xeolocaliza as casas coa finalidade de que se poidan atopar rapidamente no caso de que se produza unha urxencia.
A rexedora, Elena Candia, explica que o obxectivo que se pretende é “a mellora de seguridade e a calidade de vida dos veciños e veciñas, así como avanzar nuns servizos de emerxencia máis eficientes e máis rápidos”.
Nesta aplicación para teléfonos móbiles, que se instalará nos dispositivos municipais e á que terán acceso mediante un código tanto o 061 como os bombeiros, están sinalizadas todas as casas da localidade, tanto nas residen veciños como nas baleiras que reúnen as condicións de habitabilidade. Isocrona tamén referencia os lugares e puntos de interese que poden servir de orientación aos servizos de emerxencia; ao igual que os puntos de carga de auga para os bombeiros.
Un servizo “fundamental”
A alcaldesa de Mondoñedo, Elena Candia, acompañada do responsable do servizo, Juan Carlos Castro, o xefe base do 061 da Mariña, Andrés Campos, e do sarxento de bombeiros do parque de Barreiros, Fernando González, presentaron esta mañá a aplicación que para a rexedora prestará “un servizo fundamental na nosa localidade”.
“Mondoñedo é un concello fundamentalmente rural cunha ampla dispersión xeográfica, condicións que dificultan a prestación dos servizos de emerxencia e poñen trabas á hora de ofrecer aos cidadáns unha resposta áxil. O uso das novas tecnoloxías permitiranos mellorar en eficiencia e garantir o máximo posible a seguridade dos nosos veciños”, manifestou a rexedora.
A alcaldesa explicou que coa APP e grazas aos diferentes datos que integra, a través do GPS crease unha ruta que indica o percorrido ao equipo ata o punto no que se está a producir a emerxencia. Ademais, as vivendas tamén están identificadas coas coordenadas, que se poden empregar nun sistema de GPS.
Polo tanto, a rexedora tamén quixo poñer en valor esta iniciativa que emprega as novas tecnoloxías para mellorar a calidade de vida dos veciños, promovida por un traballador do 061 e presentada na aceleradora de proxectos empresariais posta en marcha en Mondoñedo. “O propio promotor da iniciativa encargouse de realizar o traballo de campo e acadar os diferentes datos que permitiron que hoxe dispoñamos desta APP no Concello”, precisou.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
