Foz 21-6-17. O Grupo Municipal de Foz Plataforma de Futuro, Luís Alfonso Sixto Legaspi, Juan Luís González Riveiro e María Peña Rubiños Fernández a través do seu voceiro Luís Alfonso Sixto Legaspi presenta para o seu debate e aprobación no pleno deste Concello a seguinte moción:
EXPOSICIÓN DE MOTIVOS
No Pleno de Setembro do ano 2015, o grupo municipal de Foz, Plataforma de Futuro, traíamos a debate a esta corporación unha demanda moi importante dos veciños e veciñas da parroquia de San Acisclo. Os representantes da AA.VV de San Acisclo achegábannos a demanda de que non dispoñían de ningún parque infantil nin dun sitio de encontro para as persoas maiores da parroquia de San Acisclo, tamén comentábannos que había un lugar público ó lado da estrada LU-152 pkm 9´800, coñecido como o cruce da estrada de San acisclo a Fazouro, que está sen uso ningún e nunhas condicións de abandono e incluso perigoso por culpa dunha cuneta que está descuberta e bastante profunda. Esta zoa podería ser idóneo para acometer unha actuación integral e darlle un uso para desfrute dos veciños e visitantes. Así mesmo sometíamos a debate e aprobación dúas propostas
-Dar traslado á Xunta de Galicia (Consellería de medio ambiente, territorio e infraestruturas) a solicitude de acometer as obras de mellora deste espazo público a que poderían ser as anteriormente citadas como parque infantil e lugar de encontro de maiores con uns bancos e uns equipos de ximnasia como hai noutros lugares do noso Concello.
-Ou no seu defecto solicitar á Xunta de Galicia a titularidade municipal desta parcela e sexa o Concello de Foz quen se encargue de realizar dita obra.
-Así como que antes de acometer esta obra se mantivese unha reunión cos veciños e veciñas de San Acisclo para que fosen eles os que decidiran a mellor forma de investir ese diñeiro.
Despois de pasaren case dous anos de que esta proposta fora debatida en Pleno e aprobada por unanimidade dos membros desta Corporación, non tivemos reposta ningunha da administración da Xunta de Galicia, polo que dende a nosa formación consideramos novamente traela a debate a esta Corporación, entendendo que xa levamos tempo suficiente perdido e coa necesidade de que demos un paso ó fronte.FPF manifestamos sempre o noso compromiso coas parroquias e as súas necesidades, o noso traballo é estar vixiantes ó equipo de goberno e fiscalizar que se leve a cabo aquelas mocións aprobadas con anterioridade nesta Corporación.
Por todo o anteriormente exposto propoñemos á Corporación Municipal a aprobación dos seguintes acordos:
1- Solicitar á Xunta de Galicia a titularidade municipal desta parcela e que sexa o Concello de Foz quen se encargue de realizar dita obra.
2- Así como que antes de acometer esta obra se mantivese unha reunión cos veciños e veciñas de San Acisclo para que fosen eles os que decidiran a mellor forma de investir ese diñeiro.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
