Compostela 23-6-17. Nos últimos días quen máis ou quen menos se está vendo afectado pola folga do transporte. Os traballadores do sector están en folga, e nalgúns medios de comunicación están a darnos datos participación, sobre servizos mínimos etc. Pero non nos están a explicar o por que desta folga.
A Xunta de Galicia quere reestruturar o transporte público do país, mantendo unicamente criterios de rendibilidade económica sen preocuparse polos problemas dos galegas e galegas e das necesidades de inter-conexión dos nosos territorios. As incoherencias do goberno de Feijoo suporán o seguinte:
-Ata o de agora as concesión por servizo de moitas das viaxes que se fan en Galicia, eran dadas por liña, por exemplo se unha persoa quería viaxar de Lugo a Vigo, había un servizo que facía a ruta Lugo – Ourense –Vigo. A partir de agora o que se pretende é que esas concesións sexan por zonas, xa que logo unha empresa fará o traxecto Lugo – Ourense e outra Ourense – Vigo, isto suporá ter que facer un transbordo en Ourense e tamén que si unha se retrasa a outra non espera.
-O anterior provocará o aumento na duración das viaxes, polos transbordos e as esperas nas estacións.
-Suporá tamén a desaparición dun importante número de paradas en moitos pobos de Galicia, co que iso supón para o noso rural, o que demostra que o PP de Galicia segue apostando por unha Galicia de dúas velocidades.
-Sobre o transporte escolar, hai que sinalar que a partir de agora as viaxes serán compartidas. Polo que o que era un dereito para os nosos fillos pasará a ser unha subvención. Pois o que era un servizo exclusivo o pasar a ser ordinario pasan a ser billetes subvencionados para os estudantes; ademais de ter que soportar maior número de paradas e traxectos máis longos. Cxg denuncia a perda dun dereito acadado en Galicia, pola singularidade da taxa de dependencia e da dispersión territorial donoso país. Consideramos tamén unha perda de seguridade para as crianzas dado o momento histórico que estamos a vivir.
Ata aquí falamos do que mudará para os usuarios e en que se van ver afectados. Pero e os traballadores do sector, parte non menos importante, que sufrirán?:
-A perda de 1.000 postos de traballo en Galicia. Coa conseguinte perda de masa salarial para o país.
-Non haberá subrogación para os traballadores.
-A espera de que se aprobe este proxecto, os convenios colectivos dos catro territorios están paralizados dende 2015, iso leva implícito unha conxelación salarial.
Por todo isto Piñeiro Docampo dixo o seguinte:
“CxG non comprende que o PP só se fixe en criterios obxectivos de carácter económico, o transporte público en Galicia necesariamente ten que ser o garante da vertebración territorial. Denunciamos o desleixo do goberno de Feijoo nun asunto que xa se debera tratar en 2009.
Agardamos que cheguen a bo porto as negociacións entre tódalas partes, patronal, sindicatos e administración, o mesmo tempo que lle esiximos a Xunta máis capacidade de diálogo”.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
