Cervo, 07 de abril de 2017.- O Concello de Cervo, a través da delegación de Medio Ambiente, vén de poñer en marcha o programa de visitas guiadas ás prantas depuradoras principais do municipio, a de Cervo, que é ecolóxica e que emprega un sistema innovador de plantas macrofitas; e a de San Ciprián, de tratamentos físicos e químicos que é de última xeración, posta en funcionamento no 2015.
Deste xeito, os alumnos do ciclo superior de Química Industrial do IES Marqués de Sargadelos, acompañados polo alcalde de Cervo, Alfonso Villares e a edil de Medio Ambiente, Manuela Méndez, ademais de técnicos medio ambientais do Concello e docentes do propio centro, estiveron coñecendo esta mañá as dúas instalacións.
Villares explicoulles que este programa “é unha iniciativa que forma parte da estratexia ambiental que impulsamos dende o Concello e coa que pretendemos dous obxectivos fundamentalmente: Por unha banda, concienciar sobre o respecto medio ambiental, e por outra, brindar á comunidade educativa unha ferramenta que reforce a formación que se imparte nas clases nesta materia.
Cremos que ver in situ toda a maquinaria de depuración, os residuos que xeramos nos nosos fogares, e o esforzo que require o seu tratamento, axuda a fomentar a concienciación”.
E no voso caso, -engadiu- “dado a disciplina na que vos estades a formar agardamos que esta visita vos sexa moi útil tamén como complemento práctico aos vosos estudos”.
Estas visitas guiadas forman parte dunha estratexia ambiental que foi deseñada dende a delegación de medio ambiente do Concello, que veu ligada en boa parte á inclusión de Cervo na Rede de Gobernos Locais +biodiversidade da que Cervo forma parte dende finais de 2016.
Unha sección da Federación Española de Municipios e Provincias (FEMP) encamiñada á promoción de políticas locais para o uso sostible dos nosos recursos naturais, á preservación do patrimonio natural e ao fomento do desenvolvemento rural, baixo criterios de sostenibilidade.
Segundo sinalou o rexedor, estas visitas son un dos eixos principais sobre os que se asenta o programa, no que tamén prestamos especial atención á reforestación con especies autóctonas produtivas ou á loita contra especies exótica invasoras, como a unlla de gato ou os chamados plumeiros da pampa, que temos localizados nalgunhas zonas do municipio. E tamén, con carácter periodico entregamos aos veciños que así solicitan composteiros de balde, para fomentar a autoxestión de residuos orgánicos, e xa son máis de 170 as familias que contan cun a día de hoxe.
Villares destacou que este programa está aberto a toda a comunidade educativa do noso Concello.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
