Susi Paz, a que foi profesora de Inglés durante 20 anos no instituto Alfoz-Valadouro, vén de xubilarse. Nos inicios da súa carreira deu clase en diversos centros educativos, para rematar exercendo o labor docente pola zona do Valadouro, en primeiro lugar no CEIP Santa María de Ferreira e logo, cando se abriu, no instituto Alfoz-Valadouro. Susi era moi apreciada no centro, pois ten participado nunha chea de actividades culturais cos alumnos ou, incluso, fóra do centro, pois é actriz en diversos grupos de teatro, como Raiolas e Trípode. Os seus compañeiros organizaron unha comida para despedila.
