Lugo, 23 de novembro de 2016.- O Grupo Provincial do PP presentará ao vindeiro pleno da Deputación unha iniciativa na que lle solicitarán ao organismo provincial que elabore un Plan de Axuda dirixido aos concellos de menos de 20.000 habitantes da provincia para o financiamento de gastos non finalistas.
A voceira popular, Elena Candia, apuntou que para poder levar a cabo esta iniciativa pedirán que a Deputación destine, no Orzamento do ano 2017, a cantidade de 1.000.000 euros a repartir de acordo a dous criterios fundamentais: “Que se estableza unha achega mínima para cada concello de 10.000 euros e que se reparta o resto do financiamento seguindo os mesmos criterios do POS”.
Os populares consideran fundamental levar a cabo este Plan de Axuda, pois sinalan que “aínda recoñecendo que os recursos da Deputación non son ilimitados, impulsar este plan de apoio adquire unha importancia transcendental neste momento, pois unha institución ben administrada é aquela que bota man da súa capacidade económica de apoio para que os concellos poidan poder desenvolver mellor a súa función e a dos veciños aos que serve e presta servizos”.
Candia recórdalle ao presidente da Deputación que o artigo 36.1 da Lei 7/1985, de 2 de abril, reguladora das bases de réxime local, “prevé como unha competencia provincial a asistencia económica aos municipios, especialmente a aqueles de menor, capacidade económica e de xestión”.
Os concellos, os que mellor coñecen as súas necesidades
Deste xeito, engade a popular, “a atribución ás provincias de funcións en materia de cooperación e fomento económico e social é de particular relevancia, pois enlaza directamente co apoio a un conxunto de actividades de crecente importancia nos gobernos locais contemporáneos, nos que as Deputacións provinciais xa se viñeron implicado de forma destacada durante os últimos anos. E esta competencia provincial resulta especialmente necesaria nas zonas rurais da nosa provincia, e por tanto nos pequenos concellos, onde a posta en práctica das políticas de desenvolvemento local e apoio administrativo podería dar lugar a excelentes resultados para os lucenses”.
Esta asistencia que se predica, polo tanto, respecto dos municipios da provincia, pode materializarse con carácter ordinario ou excepcional. No primeiro dos casos, articúlase mediante a aprobación de plans especiais, cinguidos a criterios obxectivos, garantindo a correspondente xustificación e en condicións de igualdade e concorrencia.
Neste senso, dende o Grupo Provincial do PP consideran “fundamental” que a Deputación Provincial de Lugo elabore e inclúa no Orzamento do ano 2017 un Plan de Axuda dirixido aos concellos de menos de 20.000 habitantes da provincia de Lugo para o financiamento de gastos non finalistas, “xa que son os propios concellos os mellores coñecedores das súas necesidades”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
