O Grupo de Acción Local do Sector Pesqueiro (GALP) A Mariña – Ortegal presenta os resultados do proxecto de Promoción e Dinamización Turística do territorio da Mariña-Ortegal o vindeiro mércores 16 de novembro ás 17:00h na sede do Grupo, na Confraría de Pescadores de Celeiro-Viveiro.
Esta presentación será aberta ao público e contará con axentes de todo o territorio vencellados ao sector pesqueiro e ao sector turístico, así como representantes de tódolos concellos.
Durante a xornada, que terá unha duración aproximada de 45 minutos, o equipo de Valora responsable do proxecto presentará os resultados globais das mesas de traballo que se celebraron durante os últimos meses co fin de detectar as principais necesidades e propostas de actuacións no territorio por parte dos propios axentes locais. Ademais, presentará o Plan de Promoción e Dinamización Turística da zona, que recolle unha batería priorizada de ideas e proxectos conxuntos a desenvolver polos promotores potenciais, grazas ao FEMP neste novo período 2014-2020.
O obxecto principal deste Plan é fomentar proxectos non produtivos na Mariña-Ortegal vencellados á posta en valor do patrimonio natural e cultural ligados ao mar, á diversificación da economía pesqueira a través de actividades turísticas, á colaboración e interacción entre os diferentes axentes locais e á comunicación e a mellora da imaxe e posicionamento do territorio como destino turístico.
Na capital francesa, participan nas súas clases prácticas, traballando tanto na cociña como na sala. Este instituto colabora co IES de Foz dende 2017, tanto recibindo como enviando alumnado á Mariña. Esta viaxe está encadrada dentro do programa Erasmus+ que estrea esta convocatoria estas mobilidades en grupo para FP. Trátase dunha boa experiencia para coñecer de cerca o funcionamento da FP noutros países e intercambiar vivencias con alumnado de hostelería.
Será ás 20:00 horas na Casa do Mar, coa colaboración da asociación de Xubilados Terramar, e que contará coa actuación do Dúo Caramelo. A cita gratuíta está aberta a todo o público.
A obra conta a historia de este grupo de mozas gaiteiras que se formou a principios dos anos sesenta, primeiro en España e posiblemente en Europa, dende os seus inicios, formación, saídas, repertorio, éxitos ata a sua disolución. O prazo de votacións dos académicos, para coñercer os catro finalistas remata o 27 de xaneiro, o gañador entre as vintetres candidaturas na categoría documental, darase a coñecer o día quince de marzo en Lalín.
Os preto de 50 estudantes fixeron unha visita polos distintos departamentos na que puideron descubrir o traballo que se desenvolve dende o arquivo, a redacción, a sala de cámaras as mesas de realización ou os platós. Rivera Capón deu a benvida aos participantes e destacou que “agardo que desfrutedes desta visita didáctica na que coñeceredes de forma lúdica, práctica e divertida os labores que se realizan en cada un dos espazos da produtora”.
A Guía Oficial de Turismo Ana Pena comeza o ano propoñendo novas visitas guiadas na Mariña. A do próximo domingo 19 de xaneiro ás 10h terá lugar no concello de Ribadeo. Máis concretamente será a Senda Azul, un interesante percorrido entre o Muíño das Aceas e o Faro de Illa Pancha, que pasa por lugares de importancia como a ría de Ribadeo, a Praia dos Bloques, a zona portuaria, ou o parque etnográfico do Cargadoiro, entre outros. A ruta ten unha extensión de 10km cunha dificultade baixa e poden asistir mascotas. O prezo é de 10€ persoa e as reservas poden facerse no 654 99 68 57.
Os restos serán agora biotriturados para converterse en acolchado de macizo das plantas, creando un abono orgánico que axudará a reducir a aparición de malas herbas e o uso de abonos e herbicidas químicos. Desce o Concello animan ao alumnado a seguir aproveitando así cada día dos nove meses de formación dual que teñen por diante.
O acto está organizado pola A.C. Francisco Lanza. Presentará ao autor Suso Fernández Acevedo (profesor de Lingua e Literatura Galegas no IES de Ribadeo Dionisio Gamallo). Nesta segunda entrega, Marwán, fillo de Ianes O Galego, comeza unha nova vida acollido polos xudeus de Munt Sáluti ata que emprende camiño a Mérida. Alí, grazas aos seus contactos e á súa competencia, entra ao servizo da administración amiral e vai subindo na escala ata chegar a ser nomeado valí ou gobernador dunha cidade adoito insubmisa e levantadiza contra o poder de Córdoba.
