Mondoñedo 14 de setembro de 2016.- O Goberno local do Concello de Mondoñedo dá conta do remate das obras de arranxo do patio cuberto do colexio Álvaro Cunqueiro da localidade. A alcaldesa, Elena Candia, precisou que esta actuación se executou a instancias da comunidade educativa e do propio Concello e contou cunha subvención de 42.657 euros da Consellería de Educación da Xunta de Galicia. Candia agradeceu ao organismo autonómico esta axuda para unha actuación “moi necesaria para os nosos nenos e nenas”.
A rexedora destacou que as obras “están rematadas antes do inicio do curso escolar para que os alumnos e alumnas poidan desfrutar delas dende o primeiro día”. A popular avanzou tamén que consistiron, en concreto, en “arranxar o teito e o chan do patio cuberto do CEIP, así como no pintado integral do recinto”.
Candia precisou que ata o de agora as instalacións “presentaban unha cuberta deteriorada polo paso do tempo e contaban cun pavimento de canto rodado”. Deste xeito, con esta actuación procedeuse ao adecentado do teito e á colocación dun mellor firme “onde os alumnos e alumnas poidan xogar sen perigo”.
A alcaldesa recalcou que “gracias a estas obras, os máis pequenos dispoñen agora dunhas instalacións melloradas e de calidade nas que poder xogar e realizar as súa actividades didácticas”. Salientou ademais que “os nenos e nenas son o máis importante para o equipo de goberno mindoniense e coa execución destas actuacións os nosos rapaces e rapazas e todo o persoal do centro poderá dispoñer dun recinto cuberto renovado e de calidade para poder estar os días de choiva”.
Compromiso da Consellería de Educación
Elena Candia agradeceulle á Consellería de Educación da Xunta de Galicia a axuda aportada para poder levar a cabo esta obra. A rexedora, ademais, destacou “que o organismo autonómico, gobernado polo Partido Popular, demostrou ao longo de todos estes anos o seu compromiso co municipio mindoniense e co propio centro coas diversas actuacións que se levaron a cabo no mesmo”.
Candia recordou as obras de reforma da pista exterior do CEIP, o arranxo do chan, o peche, o cambio na instalación eléctrica do centro ou a execución dun parque infantil para os máis pequenos. “Todas estas obras foron executadas no Colexio Álvaro Cunqueiro gracias ás subvencións da Consellería de Educación da Xunta”, salientou a rexedora.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
