Unhas 45 persoas participaron na ruta de sendeirismo duns 10 km programada para este mércores 17 de agosto dentro dos Mércores de Natureza nunha mañá moi propicia para a práctica do sendeirismo. Os camiñantes puideron disfrutar dunhas fermosas vistas sobre a costa occidental da Mariña de Lugo, da riqueza xeolóxica da zona de Fuciño do Porco (Punta Socastro) e, por suposto, das praias de Abrela e Area Grande e das calas de Alegrín e Porto de Val, así como a cetárea de Medas do Castro. A próxima ruta, a que rematará as edicións dos mércores de natureza por este verán, será o mércores 24 de agosto ás 10.00 horas co descenso do Río Sor en kayaks.
