O Presidente, Darío Campos Conde, informou este venres da aprobación en Xunta de Goberno dun investimento de 3 millóns de euros para toda a provincia, que busca impulsar a economía e o emprego, e mellorar as prestacións públicas aos veciños.
Campos Conde explicou que 1,4 millóns son para as axudas dirixidas a todas as asociacións culturais, entidades e clubs deportivos lugueses. Son as subvencións de concorrencia competitiva e non competitiva presentadas nos pasados días. Neste senso, o Presidente reiterou que as ordinarias axudas para o CD Lugo e Breogán, que non se contemplan nestas dúas programacións ao seren sociedades anónimas, están garantidas e comprometidas no Orzamento de 2016, polo que se acordarán en vindeiras sesións.
O titular provincial apuntou que outros 1,6 millóns de euros, tamén aprobados na Xunta de Goberno de hoxe, son para melloras en infraestruturas e dotacións públicas, así como para actividades en impulso da economía local de 10 Concellos da provincia:
– O Páramo: acondicionamento de accesos aos núcleos de San Vicente, Quintela e Pinte. Estes traballos contan con 65.000 euros.
– Abadín: arranxo da estrada de Fontevella a Carrizal con 372.000 euros.
– Friol: mellora da vía que une deste Concello coa localidade de Parga. 300.000 euros.
– Pantón: acondicionamento da vía de Ferreira a Goián. 127.900 euros.
– Viveiro: mellora dos accesos á praia de Area e á igrexa de Covas; acondicionamento do Camiño Real e da ruta de sendeirismo dende o Monte de San Roque ao do Penedo do Galo; e realización de actividades lúdico-culturais. 200.000 euros.
– Samos: mellora das vías de Portela, Nande, Carqueixada, Lamas, Santa María, Teiville e Santana de Abaixo; reparación da traída de auga en Zoo; mantemento das vivendas comunitarias e pisos tutelados; e colaboración coa Feira de Gandería. 173.000 euros.
– Pastoriza: mellora dos centros socioculturais e sociais de Loboso, Rigueira e Pousada; reconstrución do palco de música de Lagoa; ampliación da rede de abastecementos de Bretoña; acondicionamento da estrada ao centro de saúde do Concello; e adquisición de maquinaria para a conservación de vías municipais. 160.302 euros.
– Mondoñedo: colaboración co Mercado Medieval desta fin de semana. 32.000 euros.
– Pol: melloras nos abastecementos de auga en Caraño, Chaín, Gomesende e Baílle; e compra de maquinaria para a conservación de vías municipais. 215.000 euros.
– Rábade: colaboración co festival de música Rabafolc que comeza hoxe. 8.000 euros.
Máis de 9 millóns para melloras nos Concellos
En vindeiras Xuntas de Goberno aprobaranse novas actuacións nos Concellos, pois o Goberno da Deputación levará melloras a todos os municipios con máis de 9 millóns do Orzamento de 2016, que se suman ao investimento doutras programacións tamén para todos como, por exemplo, o DEPUEMPREGO, o Plan de Aforro Enerxético, o Plan de Mellora de Tics, SAF, Teleasistencia, POS… De feito, o Presidente destacou que xa se consensuaron cos Alcaldes actuacións de 3,6 millóns de euros en 26 municipios.
Outros acordos
O Executivo Provincial tamén aprobou na Xunta de Goberno de hoxe iniciar o proceso de contratación de dúas cisternas que se incorporarán aos equipos de rego que melloran estradas provinciais e municipais de toda a provincia. O prezo de licitación é de 171.800 euros. Ademais, acordouse a contratación de dous desempregados lucenses, que comezarán a traballar noutras tantas empresas a través do Ben Empregado. Trátanse dun peón gandeiro para O Páramo e dun motoserrista para O Saviñao. O luns, publicarase na Bolsa de Emprego da Deputación un novo posto como aparellador, abrindo o prazo de solicitude, que é de 10 días.
Os preto de 50 estudantes fixeron unha visita polos distintos departamentos na que puideron descubrir o traballo que se desenvolve dende o arquivo, a redacción, a sala de cámaras as mesas de realización ou os platós. Rivera Capón deu a benvida aos participantes e destacou que “agardo que desfrutedes desta visita didáctica na que coñeceredes de forma lúdica, práctica e divertida os labores que se realizan en cada un dos espazos da produtora”.
A Guía Oficial de Turismo Ana Pena comeza o ano propoñendo novas visitas guiadas na Mariña. A do próximo domingo 19 de xaneiro ás 10h terá lugar no concello de Ribadeo. Máis concretamente será a Senda Azul, un interesante percorrido entre o Muíño das Aceas e o Faro de Illa Pancha, que pasa por lugares de importancia como a ría de Ribadeo, a Praia dos Bloques, a zona portuaria, ou o parque etnográfico do Cargadoiro, entre outros. A ruta ten unha extensión de 10km cunha dificultade baixa e poden asistir mascotas. O prezo é de 10€ persoa e as reservas poden facerse no 654 99 68 57.
Os restos serán agora biotriturados para converterse en acolchado de macizo das plantas, creando un abono orgánico que axudará a reducir a aparición de malas herbas e o uso de abonos e herbicidas químicos. Desce o Concello animan ao alumnado a seguir aproveitando así cada día dos nove meses de formación dual que teñen por diante.
O presunto autor accedeu ao interior dunha vivenda, propiedade dun familiar, situada na localidade de Ribadeo. Para iso utilizou unhas chaves lexitimas obtidas de maneira ilícita, subtraendo do interior do inmoble unha cartilla bancaria e diversas xoias, as cales foron recuperadas nun establecemento especializado en merca-venda de ouro. Así mesmo, o infractor utilizou o documento bancario subtraído para realizar tres reintegros, en distintas datas do pasado mes de decembro, por un importe total de 1.200 euros. A persoa detida e as dilixencias policiais foron postas ao dispor xudicial.
Seguindo o costume dos últimos anos, a entrega correu a cargo do alumnado de Vírgula, que os deleitou cun marabilloso concerto de panxoliñas, e os do Bosque Animado, que, ademáis, lles entregaron unhas fermosas postales pintadas a man por eles. Todos xuntos gozaron deste encontro.
Os feitos delituosos tiveron lugar o pasado mes de novembro, cando supostamente a persoa investigada substraeu unha bicicleta no termo municipal de Ribadeo. Como resultado da investigación policial logrouse recuperala, sendo entregada en depósito ao seu lexítimo propietario, quedando ao dispor da Autoridade Xudicial.
O acto está organizado pola A.C. Francisco Lanza. Presentará ao autor Suso Fernández Acevedo (profesor de Lingua e Literatura Galegas no IES de Ribadeo Dionisio Gamallo). Nesta segunda entrega, Marwán, fillo de Ianes O Galego, comeza unha nova vida acollido polos xudeus de Munt Sáluti ata que emprende camiño a Mérida. Alí, grazas aos seus contactos e á súa competencia, entra ao servizo da administración amiral e vai subindo na escala ata chegar a ser nomeado valí ou gobernador dunha cidade adoito insubmisa e levantadiza contra o poder de Córdoba.
