Comeza o V Open Pádel Ditram

Ribadeo, 17 de agosto de 2016. Da comezo este mércores 17 de agosto o V Open de Pádel Ditram, que se disputará nas instalacións de Pádel Club Ribadeo ata o vindeiro domingo, 21 de agosto. Son 170 os xogadores que se darán cita neste torneo.

O V Open de Pádel Ditram disputarase nas categorías 1ª, 2ª e 3ª masculina, mixto, 2ª e 3ª feminina. Haberá premios en metálico e en material deportivo para os vencedores. As finais xogaranse o vindeiro domingo.

O V Open de Pádel Ditram está organizado por Pádel Club Ribadeo e conta co patrocinio de Grupo Ditram Automoción en Lugo e en Foz; Axa Óscar García Teijeira, en Ribadeo, Viveiro e Burela; e Multitrasteros, no polígono industrial de Ribadeo.