Este martes comezan as actividades da cuarta semana do #CulturaAberta da Deputación de Lugo, unha iniciativa posta en marcha o pasado 5 de xullo coa que o organismo provincial ofrece máis de 30 actividades lúdicas e culturais, completamente gratuítas para os participantes. Lembrar que todas estas actividades celebraranse na explanada do INLUDES, ao carón da Capela de Santa María. Máis información sobre horarios, datas e outras actividades culturais en www.deputacionlugo.gal
Programación
26 xullo ás 21:30 horas.- “Os fenómenos”
Presentación da película por parte do director Alfonso Zarauza e do director de fotografía Alberte Branco “Bertitxi” e un obradoiro sobre a parte discursiva e formal do filme. A longametraxe que é un drama social con pinceladas de humor trata sobre unha muller que vive desde hai tres anos nunha furgoneta na costa de Almería, e ve como a súa parella desaparece o día no que ía comezar a traballar. Regresa co seu bebé ao seu pobo natal en Ferrol e logo de moitas dificultades, consegue un posto de peón de albañil. Pronto a súa cuadrilla comeza a destacar entre as demais pola súa extraordinaria capacidade de traballo.
27 de xullo ás 18:30 horas.-Jean Philippe Kikolas. “Sin remite”
“Sin remite” é un espectáculo inspirado no cómico francés Jacques Tati e a súa curtametraxe “L´Ecole du Facteurs” (1947). Unha personaxe que esperta un aire de nostalxia. Un xogo cos obxectos, a escea e o público. A través da comedia slapstick ou de diferentes gags visuais, Jean Philippe Kikolas introdúcenos no seu particular mundo, achegándonos a un oficio, o de carteiro, que cada vez nos parece máis lonxano. Para elo, emprega varias técnicas de circo, escaleira libre, manipulación de obxectos, malabares de rebote e un sen fin de solucións para conflitos que se plantexan, que lle levarán mesmo a introducirse mesmo dentro dun globo xigante.
28 de xullo ás 21 horas.- “Fuliada na vila” e “Sumrrá”
“Fuliada na vila”: Pivotando entre a música tradicional e o jazz, o grupo recupera os cantos tradicionais para adaptalos ao seu xeito. Neste traballo amosan o repertorio de Rosa e Adolfina Casás, da Vila da Eirexa en Cerceda, xunto con varios cantos da montaña de Lugo. Son con varios cantos da montaña de Lugo. Son músicas/os do mundo do jazz, o tradicional, a música moderna e o folk, convivindo arredor da fuliada (xuntanza na que se canta, se toca e se baila para divertirse). “Fuliada na Vila” son Branca Villares, Carolina Vázquez e Pepa Yáñez (voces e percusión), Richi Casás (saxo soprano e percusión), José Ares (batería), Carlos Santos (baixo), Fran G. Galán (guitarra), Frank Barcia (acordeón), Xan Xove (gaita) e Pablo Pintor (zanfona e gaita).
“Sumrrá”: Con 15 anos e discos editados, “Sumrrá” é un dos novos referentes do jazz contemporáneo. Dende o 2000 participaron en numerosos festivais nacionais e internacionais nos que presenta composicións propias cun directo arrollador e novidoso ao que avalan as mellores críticas: Festival de Jazz de Madrid, Festival de Jazz de Oviedo, Ciclo 1906 de Jazz, Festival ImaxinaSons, Festival Internacional Tanjazz (Tánger), Festival Internacional de La Paz (Bolivia), Joy of Jazz (Sudáfrica), Festival de Jazz de Sofía (Bulgaria)…No 2016 lanza o seu quinto disco titulado “5 journeys”, inspirado nalgunhas das cidades polas que “Sumrrá” ten actuado nas súas xiras internacionais.
29 de xullo ás 21:00 horas.- Pistacatro Produtora de Soños: “Ímpreuna”
Ambientado na época actual, “Ímpreuna” é un espectáculo que se mergulla nos códigos artísticos do circo (malabares, aéreos, acrobacias e clown), sen renunciar á fusión sen complexos con outras artes vivas, como a danza, o teatro físico e a comedia. O espectáculo mostra ao espectador o mundo interior do Circo a través das vivencias e das pequenas aventuras cotiás dunha troupe de 7 artistas: as relacións en grupo, a amizade, a familia, o traballo en comunidade, a solidaridade e a cooperación. A linguaxe corporal é o instrumento que articula a comunicación entre artistas e público para demostrar que “o máis difícil todavía” non é un exercicio circense, senón o lado humano das persoas que se dedican ao maior espectáculo do mundo.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
