Ribadeo, 26 de xullo de 2016. Na Oficina de Turismo de Ribadeo xa se levan entregadas máis de 1.000 credenciais do viaxeiro no que vai deste mes de xullo, segundo os datos que deu a coñecer a edil Ana Martínez. Dende que se puxo en marcha esta iniciativa no 2012 xa foron 6.000 as credenciais dispensadas.
A concelleira de Turismo salientou que “tomando diversas iniciativas que imos promovendo dende o Concello de Ribadeo para posicionarnos nese turismo de calidade e sostible, gustaríame enmarcar unha cuestión que hai anos arrancamos que foi a credencial do viaxeiro ribadense na que buscamos tamén que os viaxeiros que cheguen á praia de As Catedrais non soamente se queden naquela contorna, senón que fagan ese percorrido pola nosa costa e se acheguen cara a Ribadeo visitando diversos puntos”.
Ana Martínez subliñou que “así poden levar un recordo, esa acuarela feita por un artista local na que levan un agasallo ben bonito e que está numerada. Estamos preto de chegar ás 6.000 e mesmo este mes de xullo foi espectacular porque superamos as 1.000 credenciais entregadas”.
A edil nacionalista anunciou que “incluso vimos de recibir unha solicitude dende Bolliwood, dende o cine hindú, para vir a gravar á praia de As Catedrais, un pequeno videoclip que se integra nunha película. Non é Hollywood, pero é Bollywood, e creo que o número de persoas que poidan ver esta película é impresionante, e aí están interesándose de novo pola praia de As Catedrais, por Ribadeo, e esperando a que tamén desde a Xunta lles dean a autorización administrativa para poder estar gravando aí este mes de agosto, e se é o caso aí estará Ribadeo en Bollywood”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
