Ribadeo (Lugo), 27 de xullo de 2016. O conselleiro de Economía, Emprego e Industria, Francisco Conde, asistiu este mércores á apertura da subministración de gas natural no municipio lucense de Ribadeo. A posta en marcha deste novo servizo contribúe a mellorar a calidade de vida das familias, ao tempo que incrementa a competitividade das pequenas e medianas empresas e supón un beneficio para o medio ambiente ao tratarse dun recurso enerxético menos contaminante.
Conde destacou que a chegada do gas natural a Ribadeo supón ofrecer máis benestar aos cidadáns e mellores expectativas de futuro ao tecido empresarial. De feito, a través deste novo servizo, que conta cunha inversión de 4,5 millóns de euros por parte de Gas Natural Galicia, permite chegar a máis de 3.000 fogares, industrias e comercios deste municipio lucense, converténdose no quinto concello da Mariña que dispón de esta subministración e o segundo que se conecta a través do gasoduto, unha infraestrutura clave para a industria da comarca e que permitirá o acceso ao gas natural a 55.000 potenciais beneficiarios domésticos.
A previsión é que o gas natural chegue a máis do 80% da poboación galega a finais desta década. No caso concreto da provincia de Lugo, a Consellería de Economía, Emprego e Industria lembra que o Plan de Gasificación de Gas Natural permitiu en 2015 ampliar a rede de distribución en máis de 110 quilómetros e incorporar máis de 1.000 novos puntos de subministración.
Deste xeito, a provincia lucense conta con máis de 460 quilómetros de rede e preto de 21.000 puntos de subministración en 8 localidades, entre as que se encontra Ribadeo.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
