A pasada fin de semana os membros do Grupo Municipal de VIA no concello e o resto dos membros da agrupación de Veciños Independentes de Alfoz celebraron unha nova reunión mensual para tratar temas sobre a actualidade do concello de cara ao vindeiro pleno ordinario que se celebrará o venres 18 de marzo. Dentro das cuestións tratadas acordouse presentar dúas mocións relativas á postura de VIA respecto aos procesos de unificación de concellos así como á situación do servizo postal de Correos.
O grupo municipal VIA reclama á Consellería de Presidencia da Xunta de Galicia e á Deputación Provincial de Lugo, o estudo de análise das vantaxes e consecuencias dunha posible fusión entre os concellos de Alfoz e O Valadouro solicitado na sesión extraordinaria do Pleno do Concello de Alfoz de data 24 de febreiro de 2012, remitida a ambos organismos segundo as correspondentes certificacións de acordos plenarios do 29 de febreiro de 2012 con rexistro de saída 132 e 133, respectivamente. Así mesmo, piden que “nos informes que se realicen se teña en conta non só a situación actual dos concellos senón tamén as consecuencias a medio e longo prazo, tanto as relacionadas co financiamento local, como desde o punto de vista social”. E, finalmente, suxiren “comunicar este acordo á FEGAMP para o seu coñecemento e por si puidera considerar oportuno participar no indicado estudio, do mesmo xeito que se fixo o 29 de febreiro de 2012 con rexistro de saída 131, mediante a correspondente certificación de acordo plenario”.
Por outra banda, reclaman á Sociedad Estatal Correos y Telégrafos, S.A., a través da súa delegación en Galicia, que garanta a prestación eficaz do servizo postal universal no noso concello. E tamén que “a Sociedad Estatal Correos y Telégrafos, S.A. revoque calquera medida que poda menoscabar o dereito cidadán á comunicación postal, tal como sería a desaparición da oficina postal de Ferreira do Valadouro”. E, finalmente, instan a “comunicar este acordo á Consellería de Presidencia, Administracións Públicas e Xustiza da Xunta de Galicia, á Sociedad Estatal de Participaciones Industriales (SEPI) e ao Ministerio de Fomento”.
Na reunión tamén de trataron outros asuntos como a preocupación transmitida polos veciños e veciñas de Alfoz ante falta de concreción, por parte de Medio Rural, da data de entrega das fincas de reemprazo no proceso de concentración parcelaria. Neste sentido Xabier Pardiñas transmitiulle aos compañeiros que ten solicitada unha reunión con Raquel Arias, delegada da Xunta en Lugo, para comunicarlle esta situación, ademais doutras cuestións dependentes da administración autonómica.
Unha vez maís, a agrupación de Veciños Independentes de Alfoz recorda que se pon á disposición dos veciños e veciñas de Alfoz a través de calquera dos membros do grupo municipal e nos correos vialfoz@gmail.com e grupovia@concellodealfoz.com.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
