Ribadeo, 15 de marzo de 2016.- Este xoves, 17 de marzo, o alumnado do ciclo de educación infantil desenvolverá un contacontos nas aulas de educación infantil dos colexios do concello de Ribadeo. Esta actividade enmarcase na valorización e difusión do 8 de marzo e en dotar a dito alumnado, tanto o que vai traballar o conto como as pequenas e pequenos de infantil, de espazos onde se traballe desde a perspectiva da coeducación.
Desde o CIM explican que “con motivo da celebración do Día Internacional das Mulleres o 8 de marzo, o 2º curso do Ciclo Superior de Técnico en Educación Infantil, do CIFP Porta da Auga, formulounos unha proposta para realizar unha actividade complementaria á formación do seu alumnado”.
No CIM ribadense indican que “dentro do currículo deste ciclo son moitas as referencias nos obxectivos, criterios de avaliación e contidos con respecto á coeducación e á educación a nenos e nenas en igualdade desde as diferenzas individuais de cada persoa. Desde o departamento do ciclo de educación infantil entenden que un xeito de participar nun cambio cara unha sociedade non sexista, comeza por formar a futur@s profesionais do ámbito socio educativo para que tenten rachar con esa suposta igualdade, que hoxe en día non resulta ser tal e que, por exemplo, na escola fai que aínda perduren elementos que reproducen e perpetúan o sexismo e as diferenzas entre os futuros homes e mulleres que formarán a nosa sociedade”.
Desde a Área de Igualdade do Concello de Ribadeo “entendemos que a colaboración e interacción entre os diferentes recursos que existen no Concello, aínda pertencendo a outras institucións, é crucial para conseguir a ansiada igualdade entre mulleres e homes. As sinerxias que se tecen con esta actividade entre a institución educativa do CIPF Porta da Auga na formación das e dos seus profesionais incorporando directamente ao currículo educativo unha actividade coeducativa e por outra banda, sendo os axentes receptores desta actividade as aulas de educación infantil dos centros educativos do Concello de Ribadeo favorecendo a intervención en idades temperás”.
A proposta do CIFP Porta da Auga terá coma protagonista ao alumnado de 2º do CSTEI, que realizará unha actividade para as aulas de Educación Infantil dos centros educativos de Ribadeo consistente en:
1º. Contacontos: Trátase dun contacontos infantil no que se aborda o conto Roi quere ser mamá, no que dende un punto de vista non sexista as personaxes comprenden a importancia de racharmos estereotipos de xénero.
2º. Asemblea: A asemblea é unha parte importantísima dentro da escola. É un elemento imprescindible na concepción educativa da etapa infantil actual. Constitúe un dos núcleos principais dunha metodoloxía activa e construtivista, onde se establecen camiños de comunicación entre as nenas e nenos e as educadoras e educadores. Aproveitando esta rutina, o noso alumnado traballará as ideas principais do conto e as realidades das pequenas e pequenos desmontando moitos mitos adquiridos e facendo reflexionar a todas as cativas e cativos.
3º. Xogos non sexistas: atendendo ás diferentes idades das pequenas e pequenos o alumnado implementará xogos e/ou dinámicas onde afondarán na realidade de xénero.
4º. Conclusión: para finalizar a sesión.
Os destinatario/as son:
Alumnas e alumnos do segundo Ciclo de Educación Infantil dos centros educativos do Concello de Ribadeo.
CEIP Gregorio Sanz:
2 aulas de 3 anos
2 aulas de 4 anos
2 aulas de 5 anos
Colexio Sagrado Corazón de Xesús:
2 aulas de 3 anos
2 aulas de 4 anos
2 aulas de 5 anos
O alumnado do CIFP organizarase en parellas educativas, o que permite ofertar esta actividade nunha única sesión de entre 50 e 60 minutos, simultánea en cada aula de cada centro. Este proxecto levarase adiante o 17 de marzo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
