Lugo, 19 de febreiro de 2016.- A Xunta de Goberno aprobou este venres novas medidas do plan de mellora das rutas fluviais, que se está a levar dende a Deputación. O voceiro provincial socialista, Álvaro Santos Ramos, informou que neste momento se están a executar traballos de mantemento e reparación dos catamaráns (cambios de motor, pintura…) para a súa posta en marcha en Semana Santa. “Será nesta data, cando retomemos as viaxes fluviais coas primeiras melloras e novidades do plan”, avanzou.
Santos Ramos adiantou que para entón estará en marcha unha central de reservas das rutas fluviais, que garantirá a realización de reservas e información turística nun horario amplo: de luns a domingo, de 08:30 horas a 20:30 horas; no teléfono 982-260-196; e no correo catamaranes.turismo@deputacionlugo.org. Igualmente, darase a posibilidade de comprar anticipadamente os billetes on line as 24 horas na web reservas.rutasembalses.es.
Xunto á creación da central de reservas, nas dependencias do Clube Náutico de Doade, a Deputación habilitará unha oficina para a venda de billetes e para información turística de toda a provincia en xeral, e da Ribeira Sacra en particular. Do mesmo xeito, tendo en conta a elevada afluencia de visitantes que acolleron as rutas fluviais no 2015, con preto de 50.000 persoas; o organismo provincial vai a incrementar o número de profesionais de atención turística e de seguridade nos embarcadoiros.
“Estas son as primeiras melloras, que teremos listas na Semana Santa, pero iremos incoporando máis, pois estamos a desenvolver un plan de mellora das rutas fluviais en colaboración con todos os axentes sociais, colectivos, empresarios e Concellos afectados polas mesmas. Todo isto, enmárcase na posta en marcha dun Plan Integral de Turismo, que é unha das grandes apostas persoais do Presidente da Deputación”, subliñou o voceiro provincial socialista.
Cooperación cos Concellos
A Xunta de Goberno acordou a adhesión da Deputación ao Acordo Marco entre a Federación Española de Municipios e Provincias (FEMP) e o Consello Xeral do Notariado, en materia de xestión de impostos. “Isto permitiranos axilizar, a través do uso das novas tecnoloxías, a recompilación dos datos imprescindibles para a liquidación, concretamente, do Incremento do Valor dos Terreos de Naturaleza Urbana e do Imposto sobre Bens Inmobles. Con este acordo, damos un paso máis na procura da máxima colaboración cos Concellos na recadación de impostos, tendo en conta a falta de medios humanos e materiais das entidades locais. Trátase dun traballo que estamos a facer dende o servizo de Recadación Provincial, ao que están adheridos preto de 60 municipios lucenses debido as súas vantaxes”, indicou Santos Ramos.
Neste senso, adiantou que “o seguinte paso, será asinar un convenio co Colexio de Notarios de Galicia mediante o cal poderemos empregar a súa plataforma web. Isto permitiranos: en relación á Plusvalía e ao IBI, pasar toda a información necesaria e tamén liquidar impostos de pago en línea; sobre o IBI, os notarios poderán informar aos seus contratantes, é dicir, aos cidadáns e informar sobre débedas ou pagos, entre outros. En definitiva, cos estas colaboración tratamos de axilizar todos os trámites na xestión tributaria en beneficio dos Concellos e tamén dos cidadáns, pois contarán cun servizo máis rápido e sinxelo”, remarcou.
Emprego
A Xunta de Goberno resolveu 5 novas empresas e asociacións sen ánimo de lucro beneficiadas do Ben Empregado, que ofrecen outros 5 novos postos de traballo na provincia, e que se publicarán na Bolsa de Emprego da Deputación o vindeiro luns para que os lucenses desempregados interesados os soliciten. Estes empregos son un peón gandeiro, para traballar en Baralla; un carpinteiro para A Fonsagrada; un Enxeñeiro Civil ou de camiños na cidade de Lugo; outro peón gandeiro na Pobra do Brollón; un desarrollador e maquetador de contidos didácticos on line tamén para a cidade de Lugo.
Becas
Na sesión tamén se resolveu un novo beneficiario do plan O teu esforzo ten premio en Lugo, co que a Deputación custea integramente a mellores expedientes de BAC, FP e Grao a súa matrícula para estudar no Campus de Lugo. Neste caso, trátase dunha moza para facer un máster en Lugo. Polo de agora, son un total de 28 os estudantes que se beneficiaron destas bolsas da Deputación, que se enmarcan no Plan de Impulso do Campus de Lugo que ten en marcha coa USC.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
