Primeira vitoria de Arturo Vigo, vixente campión, que lle fai subir do 10º ao 8º posto. Aínda que de Arturo se pode esperar calquera cousa, vemos difícil que estando a 37 puntos do líder, e a falla de 9 tiradas (a segunda volta completa), lle poida restar eses puntos ao actual líder.
Rafa comanda comodamente a clasificación con 69 puntos, 17 máis que Francisco López, quen, grazas aos 10 puntos desta tirada, relega a Sócrates Campo ao terceiro posto da clasificación.
A falla de 9 tiradas, ou sexa, a segunda volta completa, queda claro que a persoa a bater vai ser Rafa que destaca pola súa gran regularidade, xa que é o único xogador que puntuou nas 9 primeiras tiradas.
Detrás achéganse un numeroso grupo de xogadores con posibilidades, dentro dos que destacan Francisco Pérez, Sócrates Campo, Moisés Rodríguez e Javier Rodríguez.
Vai ser a segunda volta “moi competitiva” e, dende a organización, agardan “un apretado final, coma o pasado ano, onde se definiu a clasificación final na última tirada”.
Liga Sénior Feminina
O máis salientable nesta categoría foi a vitoria de Carmen Roca, que parece que se está a recuperar físicamente pouco a pouco e, de seguro, esta vitoria lle vai dar moral e servirlle ademais para non descolgarse definitivamente dos primeiros postos.
Salomé Cardoso, que non puido estar nesta tirada, vé como a vixente campioa Belén Meitín lle recorta 5 puntos na clasificación, colocándose a só 4 puntos.
Terceira continúa Salomé Bermúdez quen non deberá perder de vista a Carmen Roca, xa que a pouco que se recupere, seguramente a presionará na procura da terceira praza.
Tras esta primeira volta, Salomé Cardoso, Belén Meitín e Salomé Bermúdez están moi ben posicionadas para os postos de honra finais, con Carmen Roca á espectativa e aínda posibilidades de asaltar eses postos.
Liga Sub 16
Nova sorpresa nesta categoría. Se a pasada semana era Miguel López, esta é Juan Manuel Ferro, que con 220 tantos na tirada, se impoñía dun xeito espectacular na mesma, relegando a un segundo posto ao actual líder, Daniel Alonso, que comanda esta categoría dende o comezo da Liga.
Os seus 55 puntos, 20 máis que Miguel López e 35 sobre o terceiro, Javier Alonso, fan que sexa o favorito absoluto para alzarse co seu segundo antorchado consecutivo nesta Liga.
A vindeira tirada vai ter lugar no CENTRO SOCIAL DE LAGO, o vindeiro sábado 5 de decembro na primeira tirada da segunda volta do campionato.
| CAMPIONATO DE BOLOS DE CENTRO SOCIAL DE SUMOAS (28 NOVEMBRO 2015) 34 INSCRITOS: 19 NA LIGA SENIOR, 6 NA LIGA SUB 16 E 9 NA LIGA FEMININA | |||
| CLASIFICACION | NOME | TANTOS | PUNTOS |
| LIGA SENIOR | |||
| PRIMEIRO | ARTURO VIGO CASABELLA | 263 | 12 |
| SEGUNDO | FRANCISCO PÉREZ GONZÁLEZ | 255 | 10 |
| TERCEIRO | C. JAVIER RODRÍGUEZ CASABELLA | 243 | 8 |
| CUARTO | SÓCRATES CAMPO SUÁREZ | 241 | 7 |
| QUINTO | MOISÉS RODRÍGUEZ CASABELLA | 234 | 6 |
| SEXTO | JOSÉ RAFAEL GONZÁLEZ BERMÚDEZ | 225 | 5 |
| SÉTIMO | JOSE VIGO LAGE | 224 | 4 |
| OITAVO | GINÉS RODRÍGUEZ FERNÁNDEZ | 219 | 3 |
| NOVENO | JOSÉ MANUEL COCIÑA RIVERA | 218 | 2 |
| DÉCIMO | JORDI MEITÍN SERANTES | 211 | 1 |
| MELLOR BOLADA | ARTURO VIGO CASABELLA | 85 | 1 |
| LIGA SUB 16 | |||
| PRIMEIRO | JUAN MANUEL FERRO SANTOS | 220 | 6 |
| SEGUNDO | DANIEL ALONSO LÓPEZ | 164 | 4 |
| TERCEIRO | JAVIER ALONSO LÓPEZ | 133 | 3 |
| CUARTO | MIGUEL LÓPEZ FORMOSO | 107 | 2 |
| QUINTO | RAQUEL COCIÑA PIÑEIRO | 80 | 1 |
| MELLOR BOLADA | JUAN MANUEL FERRO SANTOS | 65 | 1 |
| LIGA FEMININA | |||
| PRIMEIRO | CARMEN ROCA CORRAL | 148 | 6 |
| SEGUNDO | BELÉN MEITÍN ROUCO | 144 | 4 |
| TERCEIRO | DOLORES BAÑO FRAGA | 135 | 3 |
| CUARTO | SALOMÉ BERMUDEZ BEN | 114 | 2 |
| QUINTO | CONCEPCIÓN PIÑEIRO LÓPEZ | 80 | 1 |
| MELLOR BOLADA | BELÉN MEITÍN ROUCO | 44 | 1 |