Burela, 3 de decembro de 2015.- O concelleiro de Deportes, Ramiro Fernández Rey, reuniuse con representantes dos clubs deportivos de Burela para explicarlles o borrador das bases reguladoras das subvencións nominativas de 2016 elaborado polo Concello. Ademais, o edil anunciou que se creará unha comisión de seguimento na que estará integrada a oposición, para velar pola transparencia máxima do proceso.
Fernández Rey contou que este mércores “dende a Concellaría de Deportes de Burela convocamos aos clubs deportivos a unha reunión para ir vendo como vai ser o proceso de concesión de subvencións para 2016. Como prometemos no noso programa electoral, non cremos nas axudas a dedo como se estaban dando no anterior goberno e, dende a Concellería, en colaboración co técnico de Deportes, fixemos unhas bases, cuns criterios obxectivos, que pensamos que é a maneira de facer as cousas, para conceder as axudas de cara o ano que vén. Onte expuxémoslles aos clubs ese borrador que temos elaborado en base a eses criterios obxectivos e explicámoslles a filosofía de todo isto que estamos facendo”.
O edil socialista indicou que “a resposta dos clubs foi moi positiva, entenden perfectamente que as axudas non se poden dar a dedo nin a criterio do concelleiro de turno nin do alcalde. Levámoslles a proposta, unhas bases con criterios obxectivos, e dámoslles o prazo dun mes para que presenten alegacións, porque queremos que sexa unha cousa consensuada con todos, non queremos que ninguén se sinta prexudicado por estas bases e esperamos poder incluír todas aquelas achegas que non fagan dende os clubs e que sexan unhas bases de todos e para todos. Esperamos poder chegar a ese obxectivo, penso que sería bo tanto para o Concello como para os clubs”. En subliñou: “tentaremos que as bases sexan o máis consensuadas posible cos clubs. Nelas primamos ás axudas ao deporte base así como a igualdade de sexo nos distintos clubs, sendo unha prioridade que os nenos e as nenas practiquen deporte en Burela”.
O concelleiro de Deportes tamén adiantou que “se creará unha comisión de seguimento na que estea integrado tanto o concelleiro de Deportes, neste caso eu, como o alcalde, como o técnico de Deportes, así como os grupos da oposición, para poder facer aínda máis transparente o proceso. En dita comisión revisarase que as axudas se conceden conforme ás bases elaboradas. Nós entendemos que a transparencia, tal e como están os tempos en política, é unha cousa básica, e como nós non temos nada que agochar introducimos esta posibilidade nas bases”.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
