Burela, 3 de decembro de 2015.- O alcalde de Burela, Alfredo Llano, informa sobre os cambios que se producirán no tráfico rodado nas inmediacións do colexio Vista Alegre a partir do 20 de decembro. O obxectivo do goberno local con estas modificacións é mellorar a seguridade na zona e facilitar o acceso ao hospital da Costa e aos aparcadoiros que hai e que haberá naquela contorna. A subida realizarase pola rúas dos Institutos e Torques e a baixada cara o Camiño Real será pola rúa Mestre Don Camilo.
O rexedor explicou que “se están a tomar medidas por unha serie de circunstancias de seguridade e de mellora, como na zona do Campón, e como vai ser agora, a partir do día 20 de decembro ao lado do colexio Vista Alegre. Nesta zona vaise cambiar o sentido da circulación. Parécenos que debe ser así, primeiro por cuestións de seguridade, para os alumnos que saen dos colexios e, segundo, para organizar e que haxa moito menos caos á hora de recoller aos rapaciños alí no colexio ou na gardería. Por outro lado, imos favorecer uns aparcamentos, tanto fronte ao IES Perdouro como fronte á gardería, para dar servizo tanto á xente que vai ao Vista Alegre e á gardería como aos usuarios do hospital. Agora mesmo son moi necesarias unha serie de prazas porque a medida que avanza o tempo complícase máis o tráfico nesa zona”.
Alfredo Llano sinalou que os cambios na zona do Vista Alegre van entrar en vigor “a partir do día 20 deste. Xa están as sinais verticais instalada, pero atópanse tapadas, porque non queremos comezar antes dese día, que é cando xa están de vacacións os rapaces no Vista Alegre. Non queremos forzar ningún caos innecesario; que se vaian acostumando os noso veciños ás sinais e vaian tomando iniciativas para que non existan problemas. Así cando se retomen as clases a xente da zona xa estará habituada a estes cambios”.
O alcalde engadiu que “logo do día 20 subirase para acceder á gardería e ao Vista Alegre pola rúa dos Institutos e rúa do Torques e baixada pola rúa Mestre don Camilo para acceder ao Camiño Real. Facémolo así por cuestións de seguridade e para evitar caos cando comece, e para facilitar os aparcamentos que se queren construír polas proximidades. Pensamos que é algo que se pode entender e avisamos con bastante tempo para os usuarios se vaian acostumando a ver as sinais”.
O Concello realizará unha planificación do tráfico rodado en Burela, unha vez que conclúan as obras de acceso ao porto.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
