Ribadeo, 30 de novembro de 2015.- O Concello ven de asinar un convenio coa Asociación de Comerciantes, Industriais, Servizos e Autónomos de Ribadeo (Acisa) polo que a administración local lle entrega ao colectivo 13.000 euros de fondos propios para dinamizar o sector e poder levar a cabo iniciativas punteiras. Así o anunciou o alcalde de Ribadeo, Fernando Suárez, que destacou o papel que vén desenvolvéndose nestes anos dende o Concello para ter un comercio de calidade.
O rexedor explicou que “vimos de asinar un convenio entre o Concello de Ribadeo e Acisa para a realización de actividades de dinamización do comercio. Isto vén confirmar a relación estreita que temos xa nestes últimos anos, porque o que queremos é seguir fomentando o comercio e iso ten que facerse a través do fomento do consumo, de aí que esteamos traballando na dinamización socioeconómica da vila, e do concello en xeral, vinculado ao comercio”.
Suárez Barcia dixo “aínda que asinamos un convenio voluntario entre as dúas partes eu creo honestamente que dende o Concello temos a obriga de poñer o noso grao de area, como estamos facendo a través da colaboración, non soamente económica, que tamén é importante porque con este convenio o Concello vai entregar 13.000 euros de fondos propios á Asociación de Comerciantes, pero tamén con outros aportes, porque sumamos moitas cousas nestes últimos anos: ideas, colaboración de persoas entre as dúas institucións, proxectos de comercio de calidade, en proxectos que aportan innovación comercial, tamén en materia de turismo e deporte, e aí está o Ribadeo Indiano, ou nuns poucos días esta iniciativa punteira na Mariña que vai ser a pista de xeo. Aínda que queira atraer aos máis pequenos e non tan pequenos para o tempo de ocio, no fondo non deixa de ser un reclamo máis para o comercio, para que a xente veña a Ribadeo, comprar, pasear, pasalo ben. Este é un reclamo moi potente e é un reclamo máis”. E engadiu: “estamos encantados de seguir colaborando coa Asociación de Comerciantes do noso Concello e seguiremos traballando día a día para seguir facendo de Ribadeo o que xa é: un lugar punteiro no sector servizos e queremos que vaia indo a máis”.
Pola súa banda, o presidente de Acisa, Francisco Iriarte, subliñou “a colaboración mutua entre o Concello e a Asociación de Comerciantes”, agradeceu a achega económica para o convenio asinado hoxe e agarda que “poidamos seguir contando durante moitos máis anos con esta axuda e tamén co traballo conxunto que estamos a realizar para a dinamización do noso comercio, da nosa hostalería, en definitiva para a dinamización da nosa vila”.
Na firma deste luns participaron o alcalde, Fernando Suárez, a concelleira de Comercio, Desenvolvemento Local e Turismo, Ana Martínez, e o presidente de Acisa, Francisco Iriarte.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
