Burela, 3 de novembro de 2015. A pintora mariñá Yesenia Cao (Cervo, 1992) expón na Sala de Arte da Casa da Cultura de Burela 30 obras da súa autoría ata o 27 de novembro. A mostra reúne os óleos e debuxos de Yesenia Cao, técnico superior de ilustración na Escola de Arte Pablo Picasso da Coruña.
A mostra estará aberta ata o 27 de novembro e poderá visitarse de luns a venres en horario de 09.00 a 13.00 horas polas mañás e de 17.00 a 20.00 horas polas tardes. Organiza a Concellería de Cultura de Burela.