Foz, 7 de maio de 2015. O Concello de Foz organiza a primeira edición do Ciclo de Teatro de Primavera nas parroquias, que inclúe dúas representacións para este domingo, día 10 en Cordido e San Acisclo. E este sábado, día 9, haberá un musical para o público infantil na Sala Bahía.
O concelleiro de Cultura, Ánxel Paleo Soto, explicou que “o pasado xoves, día 30 de abril, deu comezo o primeiro Ciclo de Teatro de Primavera nas parroquias, que empezou na antiga escola de Marzán onde actuou a compañía A Adala, de Fazouro. Terá continuidade durante todo este mes de maio no resto das parroquias do concello. Este domingo, día 10, haberá dúas representacións: unha en Cordido, no centro cívico a partir das 18.30 horas coa compañía Pico do Castro; e en San Acisclo á mesma hora, nunha carpa instalada na igrexa, con Axóuxeres, de Vilaronte”.
Ánxel Paleo engadiu que “o venres día 15 tocaralle a Santa Cilla, no centro social coa compañía Pico do Castro; e ao día seguinte, sábado 16, O Batán, de Cangas, estará en Fazouro, na antiga escola, a partir das 8 da tarde. Para continuar o venres día 29 a partir das 8 e media da tarde no centro social A Saira, da parroquia de Nois, actuará O Batán, de Cangas. E para rematar o mes de maio o sábado 30 haberá teatro en dúas parroquias máis: en Vilaronte, no teleclube a partir das 8 e media da tarde estará O Batán, de Cangas; e ás 9 da noite en San Martiño, no centro social, gozarán coa actuación de A Adala, de Fazouro. A representación na parroquia de Cangas queda pendente para xuño e falta por confirmar a data, xa que están a tope de actividades neste mes de maio e xa quedaron en avisarnos para poñer a data no mes de xuño”.
O edil de Cultura destacou que “este primeiro Ciclo de Teatro de Primavera é a continuación do teatro de outono, iniciativa que comezou hai dous anos e ampliámolo polo éxito que tivo e as peticións dos nosos veciños e das asociacións das parroquias. E, como non, grazas aos grupos de teatro afeccionado mostraron o seu interese por achegar a todos estes veciños o seus traballos de forma altruísta. Para todos eles só teño mostras de agradecemento”.
Ánxel Paleo rematou anunciando que “este sábado a partir das 6 e media da tarde na Sala Bahía teremos teatro infantil coa compañía A nena e o grilo representando a obra musical titulada A nena e o grilo no país das apertas”.
Os feitos delituosos tiveron lugar o pasado día 20, cando a persoa investigada supostamente causou diversos danos a un vehículo estacionado no termo municipal de Meira. A súa propietaria ao observalo recriminoulle a acción, sendo agredida pola persoa investigada, á vez que a sometou a diversos insultos despectivos referentes ao seu lugar de orixe. As dilixencias policiais e a persoa investigada foron postas ao dispor da Autoridade Xudicial.
Contou coas actuacións de Cordenaia, Fol do Raxal, A Rebolaxe, Mistura, Coro se Cervo e Coral Terramar cun auditorio cheo na Casa da Cultura.
En total, a mostra reúne sete obras dos veciños e veciñas Carmen Rodríguez, Juan Pablo Docal, Nuria Ramos e Pilar Lorenzo, abarcando unha gran variedade de disciplinas, como a fotografía, a pintura ou o debuxo. Conta con entrada gratuíta e poderase visitar ata o próximo 8 de xaneiro en horario de 10:00 a 13:00 horas e de 16:00 a 19:00 horas.
Trátase de Mercedes Fernández. A alcaldesa, Dolores García Caramés, quixo felicitala en persoa e compartir uns intres con ela e a súa familia, e como mostra de agarimo entregoulle un ramo de flores.
Despois da misa que se celebrará na Vila do Medio, haberá un breve concerto de panxoliñas na propia igrexa do grupo de música e canto de Ledicia, que será outro xeito de celebrar o 50 aniversario como asociación e servirá de homenaxe ó coro, que foi unha das primeras actividades coas que se iniciaba o traballo hai medio século.
Recibiron un agasallo da man do mesmísimo Papá Noel!
As karatekas do Shitokai que asistiron ao evento foron: Celia, Bárbara, Sira e Noa; e o Director técnico, José Julián Martín Gómez.
