Cervo, 27 de maio de 2015.- O pasado fin de semana tivo lugar en Cervo dentro dos actos culturais promovidos pola Asociación Cultural Airiños do Xunco a presentación e firma de exemplares do novo libro da autora lucense afincada na Mariña Rhodéa Blasón titulado “Anacos da miña alma”, éxito de vendas en Latinoamérica e España, onde vai xa pola súa segunda edición. Ao acto asistiu gran cantidade de público entre o cal a autora debullou as interioridades da súa obra, desenvolvéndose a continuación a tradicional firma de libros, pechándose o acto con diversos ágapes servidos polo Restaurante O Almacén de Cervo, que foron a delicia das persoas que participaron na cata literaria organizada pola Asociación cervense.
