O PP de Mondoñedo valora que a obra do Camiño de San Rosendo sirva para restablecer a seguridade dos peregrinos e peóns en tramos da antiga N-634 ao seu paso polos Xiros

Mondoñedo, 14 de marzo de 2015- O Partido popular de Mondoñedo, agradece a inversión de 367.524 euros, procedentes do Ministerio de Agricultura, Alimentación e Medio Ambiente, para os traballos de acondicionamento na senda natural que percorre Mondoñedo, Lourenzá, Barreiros e Foz.

Salienta así o tramo que discorre polo municipio, nun trazado completo dun total de 225 quilómetros entre a localidade ourensá de Porto de Quintela e Foz.

RESTABLECER A SEGURIDADE DE PEREGRINOS
O PP local explica que contar con outra senda repercute no atractivo turístico da localidade mindoniense e destaca a importancia do tramo que discorre polo lugar dos Xiros, ubicado na antiga N- 634 antiga, dado que a perigosidade de conciliar o seu uso por peóns e por vehículos era preocupante.

Pola súa banda, Elena Candia, puxo en valor a inversión materializada polo Executivo Central, posto que é o Ministerio de Agricultura, Alimentación e Medio Ambiente, o que sufraga na súa totalidade a execución da obra citada.