Viveiro. 21 de marzo 2015. O Bloque Nacionalista Galego de Viveiro, non asistirá o vindeiro luns, á comisión convocada pola Alcaldesa de Viveiro, para establecer unhas bases que rixan con criterios obxectivos a concesión de axudas a asociacións culturais e clubes deportivos.
Os nacionalistas, afirman, que se trata dun “paripé electoral” que non serve para nada, posto que nos orzamentos municipais non existen partidas adicadas a asociacións culturais e clubes deportivos. No ano 2013, só percibiron axuda 3 clubes de fútbol base, e no ano 2014, ningún clube recibiu ningunha subvención ou asinou convenio co Concello. Os nacionalistas instan á Alcaldesa de Viveiro a “desconvocar a comisión, levar a pleno a aprobación dos orzamentos de 2015 con partidas adicadas a cultura e deporte, e deixarse de propaganda a 2 meses das eleccións municipais”.
Bernardo Fraga, Candidato á Alcaldía, declarou “O PSOE de Viveiro, coa súa política económica sen control, está levando a unha situación crítica a moitos clubes e entidades sociais. Agora a 2 meses das eleccións, queren lavar a cara para esconder a falta de apoio económico ao deporte e á cultura en Viveiro nos últimos dous anos”
Ademais salientou, “Viveiro volve a estar con orzamentos prorrogados, o goberno de María Loureiro, é incapaz de traballar con orzamentos ao día, unha fórmula habitual no PSOE local, que foi a que provocou a situación de emerxencia municipal na que se atopa o noso Concello”.
Os nacionalistas, indican ademais, que a nosa política, en calquera institución é a creación de bases que rexan a concesión de axudas ou subvencións, tal e como se demostra nas diferentes institucións que gobernamos, entre elas no Concello de Viveiro, cando no ano 2012, se concederon axudas cunhas bases e uns criterios claros e públicos. Finalmente, declararon “nós cremos, na igualdade de oportunidades de todos os clubes e asociacións, as axudas opacas e “a dedo”, son por desgraza, política habitual no PSOE local”.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
