“Cucar” é o peor que lle pode pasar a un xogador de bolos. “Cúcase” cando a bola na tirada inicial non chega á Línea do 10, polo cal esa tirada xa non ten posibilidade de desquite e son CERO PUNTOS. Pois ben, despois dunha tirada no Cruceiro con tanteos espectaculares e con varios récords batidos, chegamos a esta decimocuarta tirada de Xove tamén con récords batidos, pero neste caso negativos. Hai moitos anos que non recordamos uns tanteos tan baixos; por dar un dato comparativo: o décimo clasificado na tirada Senior do Cruceiro conseguiu 297 tantos, e nesta de Xove tan só 50. Isto ten unha explicación: un campo blando, moi enlamado, fixo que fosen numerosísimas as cucadas nas tres categorías.
Liga Sénior Masculina
Nova vitoria de Rafael González, que leva unhas últimas tiradas excelentes que lle permiten pórse en cabeza da clasificación con 11 puntos, abrindo unha pequena brecha de 7 con Arturo Vigo.
A falla de 4 tiradas por disputar (A Vara, Vilachá, Morás e Sumoas), Rafa pode encarar este final de temporada con bastante tranquilidade; mentres que Arturo, nun novo traspés, podería quedar fóra da loita polo título.
E se para as dúas primeiras posicións temos dous candidatos, para o terceiro lugar do podio hai atasco. Ata un total de 7 xogadores teñen posibilidades, especialmente Álex Meitín e Francisco Pérez, ambos con 74 puntos.
Liga Sénior Feminina
Tremenda a igualdade que se mantén na categoría coas tres primeiras clasificadas copando os tres primeiros postos da tirada. Máxima igualdade entre Belén Meitín (59 puntos), Carmen Roca (56 puntos) e Salomé Cardoso (56 puntos). Tal e como están a xogar, o máis seguro, se ningunha comete un fallo clamoroso, é que a súa ubicación no podio se decida na última tirada. Polo tanto, emoción ata o final nesta categoría.
Liga Sub 16
Despois de tres tiradas regulares, Daniel Alonso volveu a demostrar a súa categoría. A vitoria e a mellor bolada asegúranlle practicamente o título; xa que, incluso, podería proclamarse matemáticamente campión na vindeira tirada de A Vara. Sabendo que non lle fai ningunha gracia perder, tenta competir sempre ó máximo nivel.
Se a de cal foi para Daniel, a de area foi para o segundo clasificado. Miguel López xogou mal, con desgana, e así, está claro, non se poden obter bos resultados. Vóase en falla un pouco máis de garra nel, xa que por condicións físicas cremos que pode ser un gran xogador de futuro.
Se a primeira e a segunda posición están practicamente decididas, para a terceira temos unha interesante loita entre Julia López e Hugo Pérez, que polo momento se resolve a favor da primeira con 27 puntos no seu haber, por 24 de Hugo. Seguramente a emoción nesta categoría vai estar en quen dos dous se fai con esa 3ª praza que queda por decidir.
A vindeira tirada vaise celebrar CENTRO SOCIAL DE A VARA, o vindeiro sábado, 7 DE FEBREIRO DE 2015.
| CAMPIONATO DE BOLOS DO CAMPO MUNICIPAL DE FÚTBOL DE XOVE (31 XANEIRO 2015) 31 INSCRITOS: 16 NA LIGA SÉNIOR, 6 NA LIGA SUB 16, 9 NA LIGA FEMININA | |||
| CLASIFICACIÓN | NOME | TANTOS | PUNTOS |
| LIGA SÉNIOR | |||
| PRIMEIRO | JOSÉ RAFAEL GONZÁLEZ BERMÚDEZ | 202 | 12 |
| SEGUNDO | LUIS RANCAÑO BOUSO | 187 | 10 |
| TERCEIRO | C. JAVIER RODRÍGUEZ CASABELLA | 131 | 8 |
| CUARTO | FRANCISCO PÉREZ GONZÁLEZ | 128 | 7 |
| QUINTO | ALEX MEITÍN SERANTES | 122 | 6 |
| SEXTO | ARTURO VIGO CASABELLA | 111 | 5 |
| SÉTIMO | JOSE VIGO LAGE | 83 | 4 |
| OITAVO | JAVIER GONZÁLEZ PÉREZ | 63 | 3 |
| NOVENO | MOISÉS RODRÍGUEZ CASABELLA | 59 | 2 |
| DÉCIMO | JORDI MEITÍN SERANTES | 50 | 1 |
| MELLOR BOLADA | ALEX MEITÍN SERANTES | 72 | 1 |
| LIGA SUB 16 | |||
| PRIMEIRO | DANIEL ALONSO LÓPEZ | 123 | 6 |
| SEGUNDO | JAVIER ALONSO LÓPEZ | 81 | 4 |
| TERCEIRO | HUGO PÉREZ MEITÍN | 63 | 3 |
| CUARTO | JULIA LÓPEZ FORMOSO | 51 | 2 |
| QUINTO | MIGUEL LÓPEZ FORMOSO | 30 | 1 |
| MELLOR BOLADA | DANIEL ALONSO LÓPEZ | 47 | 1 |
| LIGA FEMININA | |||
| PRIMEIRO | SALOMÉ CARDOSO RODRÍGUEZ | 49 | 6 |
| SEGUNDO | BELÉN MEITÍN ROUCO | 42 | 4 |
| TERCEIRO | CARMEN ROCA CORRAL | 33 | 3 |
| CUARTO | PAULA CAMPO SUÁREZ | 27 | 2 |
| QUINTO | SALOMÉ BERMÚDEZ BEN | 21 | 1 |
| MELLOR BOLADA | BELÉN MEITÍN ROUCO | 24 | 1 |