O Burela FS Pescados Rubén recolleu este sábado en Vista Alegre un valioso punto, nunha difícil cita ante o Palma Futsal (1-1), na que os de Juanlu despregaron un excelente traballo defensivo, cun brillante Álex, ante un rival que se mostrou concentrado e intenso.
Os mariñáns conseguiron conter unha das ofensivas máis perigosas da liga, ademais de buscar fendas na súa defensa, aínda que lles custou superar a primeira liña defensiva dos insulares. A primeira ocasión foi de cor laranxa, no minuto 4, de Iago Míguez, ante o despexe por arriba de Barrón. Taffy estreou o perigo visitante, asistido por Burrito no minuto 7, cun lanzamento que se lle foi desviado. Joao, no 9 e 15, e Paradynski, no 13 e 17, protagonizaron as chegadas máis agresivas do Palma. Nos dous últimos minutos antes do descanso, Antoñito, de disparo cruzado, Mata, só ante Barrón, non puideron estrear o electrónico.
Na segunda parte, tras unha fulgurante chegada de Vadillo sobre Álex no minuto 21, Antoñito puido subir o 1-0 nun pase de tacón de Chano ao que o 23 laranxa non puido chegar diante de Barrón. Álex salvou os locais no 27, moi oportuno, despexando por arriba primeiro un balón de Joao e despois fronte a Joselito cun lanzamento que se estrelou contra o pau. Aproveitou entón o Burela FS; o gran Matamoros recolleu o pase longo de Álex para materializar o 1-0 tras superar a Sergio e Barrón. Con todo, cando Vista Alegre aínda celebraba o tanto, o Palma igualou a contenda en contraataque culminado por Joao, cun balón que tocou en última instancia en Bellvert e desorientou a Álex. O porteiro burelista estivo acertadísimo ante a avalancha que intentou desembocar o Palma. Na recta final, o Burela FS tamén dispuxo de ocasións para adiantarse de novo, nas zapatillas de Antoñito, Iago e Mata. Nos últimos 30 segundos, un prodixioso pé de Álex desbaratou as intencións Vadillo, sen tempo para máis.
Ficha técnica
Burela FS Pescados Rubén: Álex, Bellvert, Behroz, Matamoros, Antoñito, cinco inicial; tamén xogaron Iago Míguez, Hélder, Chano, Carlitos, Miguel
Palma Futsal: Barrón, Burrito, Vadillo, Taffy, Chicho, cinco inicial; tamén xogaron Joao, Joselito, Tomaz, Sergio, Paradynski,
Goles: 1-0, minuto 29, Matamoros; 1-1, minuto 29, Joao
Tarxetas:Por Burela FS amarela a Bellvert (minuto 2), Behroz (minuto 9), Miguel (31), Chano (minuto 37). Por Palma amarela a Chicho (minuto 32), Tomaz
Árbitros: Rodrigo Miguel // Sánchez Molina (Castilla A Mancha)
Incidencias: Partido correspondente á 20ª xornada de Primeira División LNFS, disputado en Vista Alegre, coa presenza do seleccionador nacional Venancio López. Arredor de 900 espectadores
*Foto: Marián García Mesa
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
