O Burela FS Pescados Rubén realizará este sábado o seu último desprazamento da primeira volta, na penúltima xornada antes de chegar ao ecuador. Ordizia será o destino das pupilas de Quico Otero, que saltarán á pista do Majori Kiroldegia ás 18.45 horas, en busca de tres novos puntos que garantan a súa permanencia unha semana máis no podio.
Tras a sesión de recuperación activa de onte, logo da clasificación para a final da Copa Galicia ante Cidade das Burgas, as xogadoras laranxas realizarán esta tarde o último adestramento da semana. “Despois do desgaste de Copa a ver como chegamos fisicamente” cuestionaba Quico Otero. “Son tres puntos moi importantes para continuar con opcións de todo”, puntualizaba, destacando “a intensidade defensiva” como a grande arma a bater das vascas. “É un equipo moi agresivo na casa, ao que seguramente nos custará romper pola súa defensa atrasada”.
Quico Otero non poderá contar con Patri, sometida hoxe a unha intervención de xeonllo, nin probablemente con Paula, que aínda non se recuperou totalmente da escordadura de nocello coa que regresou da convocatoria con Galicia Sub-21.
Convocatoria Burela Pescados Rubén: 1. Jozi, 3. Cristina, 5. Claudia, 7. Peque, 9. Gaby, 10. Lara, 11. Kiko, 17. Maite, 14. Bea Mateos, 18. Shiori, 19. Paula (dúbida), 20. Tainã.
Será na Biblioteca Municipal "El Viejo Pancho", de Ribadeo, ás 20,30 horas. Participarán Farruco Graña, presidente da ACFL e o propio autor.
Tivo lugar este luns na Casa do Mar como peche da programación do Concello de Cervo polo Samaín. As crianzas desfrutaron moito trazando ás súas personaxes favoritas.
A entidade presentou hoxe a iniciativa nun acto no que participou a directora territorial da Consellería de Emprego, Comercio e Emigración, Carmen José López. As bases establecen tres categorías: ao mellor proxecto emprendedor -que leve como máximo 42 meses en marcha-, á mellor empresa, e ao mellor proxecto empresarial situado no rural. As persoas interesadas en inscribirse teñen de prazo desde hoxe ata o 28 de novembro.
Pódese axudar entregando: Auga embotellada, leite, alimentos non perecedoiros e artigos de limpeza persoal nos puntos de recollida habilitados na Casa do Concello e na Casa da Cultura (en horario de mañá).
O próximo martes, ás 20h, na Biblioteca Municipal de Viveiro, presentarase o número 189 do Terra e Tempo dedicado á primeira gran organización de masas do nacionalismo, a Asemblea Nacional-Popular Galega (AN-PG), que durou desde 1975 até 1982, cando se convertiu no BNG actual. Falarña desta etapa da nosa historia Francisco Luís Rodríguez Guerreiro e Néstor Rego Candamil, dúas persoas que a viviron en primeira persoa, aínda que con distintas idades. "Existimos porque houbo un tempo pasado no que tivemos vontade de ser".
A FEMP, Federación Española de Municipios e Provincias, traslada a petición da Federación Valenciana de Municipios, na que solicita que os concellos que queiran colaborar cos afectados pola DANA recollan auga, leite, alimentos non perecedoiros e produtos hixiénicos. "Se queres axudar, deposita no carro solidario a túa aportación". Os supermercados de Burela xa incluidos na campaña son Eroski Center, Alcampo, Eroski City, Claudio e Froiz. Iranse unindo os próximos días máis supermercados da vila
O vindeiro mércores día 6 de novembro, a libraría Bahía acolle a presentación da Guía micolóxica básica da provincia de Lugo. En colaboración coa Asociación Os Bolouros de Foz e a Asociación Micolóxica Lucus de Lugo. Estarán tamén os autores da publicación. Trátase dunha guía sinxela para poder identificar con claridade as especies de cogomelos que podemos encontrar na nosa provincia, moi interesante, por tanto, tanto para quen xa son afecionados á identificación de fungos, coma para quen queren introducirse neste apaixoante mundo.
