Foz, 15 de xaneiro de 2015. O alcalde de Foz, Javier Jorge Castiñeira, adiantou este xoves que o Concello está ultimando as xestións para comezar a obra de construción do carril bici que irá dende a praia da Rapadoira ata a de Llas. A primeira fase podería rematarse nese 2015, segundo explicou o rexedor despois de reunirse onte en Madrid co director general de Sostenibilidad de la Costa y del Mar, Pablo Saavedra Inaraja. Hoxe Javier Castiñeira e o xefe provincial de Costas, José Miguel Estevan Dols, visitaron a zona onde se levará a cabo esta actuación.
Javier Jorge Castiñeira manifestou que “dende o Concello de Foz estanse facendo diferentes xestións para seguir avanzando coa obra do carril bici. É unha obra demandada e importante para o noso concello, xa que unirá as praias de A Rapadoira e Llas. Despois da última reunión en Madrid co director general de Costas, temos unha opinión bastante optimista de que as obras poidan ser realizadas xa durante este ano 2015, polo menos a primeira fase que una esas praias de A Rapadoira e Llas. É unha obra importante e moi demandada e hoxe mesmo no propio sitio analizamos como podemos ir facendo por fases e iniciando esta obra, para a que xa están feitas as expropiacións e o proxecto e soamente queda dotala economicamente e iniciala”.
O alcalde focense resaltou que “dende o goberno municipal estamos contentos con esta xestión. O noso grupo de goberno segue traballando polo pobo, por facer xestións, por aprobar os orzamentos e por ir avanzando no Plan Xeral, así como por dotar de obras a Foz mentres outros seguen xustificándose electoralmente. Uns comezaron a campaña e outros tratamos de levar cabo novos proxectos. O equipo de goberno popular de Foz é responsable, ten un compromiso de catro anos cos veciños e vai cumprilo. Niso estamos, aportando o cen por cen do noso esforzo”.
Este xoves foron con temática de Samaín.
Esta publicación, que se enmarca na serie Monografías de Cuadernos de Estudios Gallegos do Editorial CSIC, conta cunha introdución dos editores Carlos Baliñas e Carlos Andrés González. Ademais, tamén colaboraron neste traballo de investigación, que afonda na historia e na evolución do municipio mariñán dende o medievo ata a actualidade, Abel Vigo, Aurelia Balseiro, Mª Dolores Barral e Pegerto Saavedra.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
