O concerto ‘Aquí como en Viena’ abarrotou o Cine Teatro de Ribadeo

Ribadeo, 29 de decembro de 2014. O concerto Aquí como en Viena abarrotou de público este domingo 28 de decembro o Cine Teatro ribadense. A próxima actuación da Banda de Música Municipal de Ribadeo será este vindeiro sábado 3 de xaneiro ás 20.30 horas no auditorio municipal Hernán Naval en beneficio do cancro infantil. Neste evento, organizado pola Asociación de Loita Contra o Cancro, a banda actuará xunto co coro do colexio Sagrado Corazón, que dirixe Mari Carmen Rodríguez Cancelo.

Na primeira parte de Aquí como en Viena a banda ribadense sorprendeu ao público con interpretacións de pezas como Mi tierra gallega, New York, New York, Thank you for the music, Abba Gold e The happy cyclist, nas que os músicos e o propio director, David Ballester, se caracterizaron con sombreiros, perrucas ou cascos de ciclismo. A segunda parte do concerto estivo centrada en polcas e valses.